Social
MINISTRU OBRAS PÚBLIKA PARTISIPA LORON MUNDIAL BEE NE’EBE ORGANIZA HOSI DNRAS-MOP
Dili, 5 visualizações
MINISTRU OBRAS PÚBLIKA PARTISIPA LORON MUNDIAL BEE NE’EBE ORGANIZA HOSI DNRAS-MOP Dili, 21 Março 2025 Ministru Obras Públika akompanha hosi Prezidente Komisaun Ezekutiva (KE) Bee Timor-Leste, Empreza Públika (BTL,E.P.), Gustavo da Cruz ho ekipa zona 11, partisipa iha selebrasaun Loron Mundial Bee nian, ne’ebe organiza hosi Diresaun Nasional Regulasaun Agua no Saneamentu-Ministeriu Obras Públika (DNRAS-MOP) ho tema global “Glacier Preservation” no tema nasional “Konserva Bee hodi haburas Ekosistema”. Serimonia ne’e realiza iha aldeia Sukaer-laran, Hera, Postu Administrativu Cristo-Rei. Iha selebrasaun Loron Mundial Bee nian, Ministru Obras Públika, Samuel Marçal hateten komemorasaun ne’e importante tebes, tanba fo hanoin ba hotu-hotu atu halo reflesaun kona-ba Bee ba ita moris ne’e oinsa.
MINISTRU OBRAS PÚBLIKA PARTISIPA LORON MUNDIAL BEE NE’EBE ORGANIZA HOSI DNRAS-MOP
Dili, 21 Março 2025
Ministru Obras Públika akompanha hosi Prezidente Komisaun Ezekutiva (KE) Bee Timor-Leste, Empreza Públika (BTL,E.P.), Gustavo da Cruz ho ekipa zona 11, partisipa iha selebrasaun Loron Mundial Bee nian, ne’ebe organiza hosi Diresaun Nasional Regulasaun Agua no Saneamentu-Ministeriu Obras Públika (DNRAS-MOP) ho tema global “Glacier Preservation” no tema nasional “Konserva Bee hodi haburas Ekosistema”. Serimonia ne’e realiza iha aldeia Sukaer-laran, Hera, Postu Administrativu Cristo-Rei.
Iha selebrasaun Loron Mundial Bee nian, Ministru Obras Públika, Samuel Marçal hateten komemorasaun ne’e importante tebes, tanba fo hanoin ba hotu-hotu atu halo reflesaun kona-ba Bee ba ita moris ne’e oinsa.
“Komemorasaun loron ohin ne’e importante, tanba atu fo hanoin ba hotu-hotu la’os deit ba Ministeriu Obras Públika (MOP), maibe ba parte hotu no komunidade tomak atu halo reflesaun kona-ba importansia Bee ba ita ema moris ne’e oinsa. Tanba buat hotu-hotu bele halo maibe Bee labele halo, maibe so bele tau matan, nune’e Bee labele maran iha futuru”, hateten Ministru Obras Públika.
Entidade ne’ebe partisipa iha selebrasaun Loron Mundial Bee, Diresaun ne’ebe tutela ba iha MOP, parseiru Nasional no Internasional, Empreza Públika inklui populasaun aldeia Sukaer-Laran, parte Igreja, Estudante sira nomos konvidadu sira seluk.*
Mídia MOP
