Sosial
PREVENE KOMUNIDADE NIA UMA NO HELA FATIN PM XANANA ORIENTA MOP-SEATOU HAMOS NO HADIA DRAINAZEN
Dili, 4 haree
PREVENE KOMUNIDADE NIA UMA NO HELA FATIN PM XANANA ORIENTA MOP-SEATOU HAMOS NO HADIA DRAINAZEN Dili, 23 fevereiro 2025 Primeiru Ministru, Kay Rala Xanana Gusmão akompanha hosi Ministru Obras Públika, Samuel Marçal, Sekretariu Estadu Asuntu Toponímia no Organizasaun Urbana, Germano Santa Brites Dias inklui Ekipa Brigada Intervensaun Rapida-Ministeriu Obras Públika (BIR-MOP), Ekipa Unidade Jestaun Projeitu Resposta Rapida-MOP, Xefe Suku Bairo Pite, Joaninha Alves iha loron Domingo ne’e tun kedan ba iha terenu foti dadus, hodi buka tuir bee dalan ka drainazen ne’ebe entupidu halo bee tama komunidade nia uma hodi estraga hotu sasan sira iha uma laran no fo ameasa ba komunidade.
PREVENE KOMUNIDADE NIA UMA NO HELA FATIN PM XANANA ORIENTA MOP-SEATOU HAMOS NO HADIA DRAINAZEN
Dili, 23 Fevereiro 2025
Primeiru Ministru, Kay Rala Xanana Gusmão akompanha hosi Ministru Obras Públika, Samuel Marçal, Sekretariu Estadu Asuntu Toponímia no Organizasaun Urbana, Germano Santa Brites Dias inklui Ekipa Brigada Intervensaun Rapida-Ministeriu Obras Públika (BIR-MOP), Ekipa Unidade Jestaun Projeitu Resposta Rapida-MOP, Xefe Suku Bairo Pite, Joaninha Alves iha loron Domingo ne’e tun kedan ba iha terenu foti dadus, hodi buka tuir bee dalan ka drainazen ne’ebe entupidu halo bee tama komunidade nia uma hodi estraga hotu sasan sira iha uma laran no fo ameasa ba komunidade.
Hafoin identifika tiha drainazen ka valeta bee dalan ne’ebe entupidu hodi halo udan been sulin tama to komunidade nia uma no hela fatin iha loron Sabadu ne’e. Primeiru Ministru, Kay Rala Xanana Gusmão orienta kedan ekipa konjunta ne’ebe lidera hosi Ministru Obras Públika ho Sekretariu Estadu Asuntu Toponímia no Organizasaun Urbana hamoos tiha drainazen ne’ebe nakonu ho sedimentasaun no foer. Primeiru Ministru husu ba Ministru Obras Públika atu imediatamente orienta enjineiru MOP rehabilita drainazen iha fatin hirak ne’ebe identifika ona hodi nune’e bainhira akontese hikas udan boot labele fo ameasa ba komunidade inklui komunidade nia hela fatin.
Entretantu atividade hamoos drainazen ne’ebe nakonu ho sedimentasaun PM Xanana ho ekipa hetan apoiu hosi Korpu Bombeiros, Kompanha Montana Diak, Kompanha Dili United inklui alin kiik oan sira ne’ebe tun direta ba valeta laran hodi suru sai tiha rai henek no plastiku aat ne’ebe halo entupidu drainazen.*
Mídia MOP
