Ministru Obras Publika (MOP) Samuel Marçal akompania aprezentasaun relatoriu ezekusaun orsamentu Ministeriu obras Publika tinan 2023
Ministru Obras Publika (MOP) Samuel Marçal akompania aprezentasaun relatoriu ezekusaun orsamentu Ministeriu obras Publika tinan 2023 ne'ebé aprezenta direta husi Diretur Jeral Planeamentu Orsamentu Finansas Aprovizionamentu (POFA) iha salaun audotirio MOP, Kaikoli, Dili, Tersa-Feira(04/7/2023).
DJEPPKS KOORDENA HO DJPOFA PREPARA LANSA ESTRADA BA REMEXIO IHA SEMANA OIN
Ministru Obras Públikas (MOP) liuhosi koordenasaun entre Diretór Jerál Estrada, Ponte, Prevensaun no Kontrollu i Seias (DJEPPKS), Eng. Rui Hernani, ho Diretór Jerál Planu Orsamentu, Finansas no Aprovizionamentu (DJPOFA), Sr. João Amarál, akompaña husi tékniku sira halo preparasaun ba lansamentu estrada munisipál husi kruzamentu estrada boot ba postu administrativu Remexiu, munisípiu Aileu. Projetu konstrusaun ba estrada refere nia prosesu tenderizasaun remata ona no hetan ona manán nain, inklui hetan ona aprovasaun husi Konsellu Ministru no hetan vistu ona husi Kámara de Kontas. Serimónia lansentu ba estrada refere tuir planu sei realiza iha semana oin.
MOP AKOMPNHA PPN NO V-PM LANSA FATUK DAHULUK BA ESTRADA BOOT MALIANA VILA
Ministru Obras Públikas (MOP), Eng. Abel Pires da Silva, akompaña S. Exa, Prezidente Parlamentu Nasionál (PPN), Dr. Aniceto Longuinhos Guterres Lopes, no Vise Primeiru Ministru no Ministru Planu no Ordenamentu (V-PM no MPO), Eng. José Maria dos Reis, lansa fatuk dahuluk dahuluk ba estrada boot iha Maliana vila, munisípiu Bobonaro. Iha intervensaun S. Exa, Prezidente Parlamentu Nasionál kongratula Sr. Ministru Obras Públikas ho tékniku sira ministériu nian ne'ebé halo esforsu finaliza prosesu tomak ba konstrusaun estrada vila Maliana nian. Husu mós, aliende konstrusaun halo mós manutensaun ba estrada sira hodi fasilita movimentasaun komunidade nian.
KONSELLU MINISTRO APROVA PROSEDIMENTU APROVIZIONAMENTU REHABILITASAUN ESTRADA MALIANA NO MODERNIZASAUN SISTEMA ABASTESIMENTU BEE NO SANEAMENTU IHA SIDADE LOSPALOS, VIKEKE NO SAME
Ministru Obras Públikas (MOP), Eng. Abel Pires da Silva, partisipa iha reuniaun Konsellu Ministru ne’ebé lidera husi S. Exa, Primeiru Ministru (PM), Jenerál Taur Matan Ruak, iha Palásiu Governu, Dili.
MOP PARTISIPA IHA SERIMÓNIA ASINATURA KONTRATU REKUALIFIKASAUN ESPANSAUN AIPNL
Ministru Obras Públikas (MOP), Eng. Abel Pires da Silva hamutuk ho membru Governu sira akompaña S. Exa, Prezidente Repúblika, Dr. José Ramos Horta, no S. Exa, Primeiru-Ministru, Jenerál Taur Matan Ruak, sai testemuña ba eventu importante serimónia asinatura kontratu rekualifikasaun no espansaun ba Aeroportu Internasionál Prezidente Nicolau Lobato (AIPNL).