MINISTRU OBRAS PÚBLIKAS AKOMPAÑIA HOSI EKIPA TEKNIKU MONITORIZA IGE-ADI HALO NORMALIZASAUN IHA MOTA KAILAKO

Maliana, 24 Marsu 2026

Ministru Obras Públikas (MOP), Samuel Marçal, hamutuk ho ekipa tékniku, iha tersa-feira ne'e halo monitorizasaun ba servisu normalizasaun mota Kailako ne'ebé hala'o husi ekipa IGE-ADI (Instituto de Gestão de Equipamentos - Apoio ao Desenvolvimento de Infraestruturas) iha Kailako, Munisípiu Bobonaro.

Objetivu husi atividade normalizasaun ne'e mak atu prevene inundasaun durante tempu udan no garante katak ekipa tékniku no ekipamentu pezadu husi IGE-ADI foka ba normalizasaun sedimentasaun ho hadia ka instala ponte provisóriu hodi fasilita movimentasaun transporte. Normalizasaun ne'e atu asegura mós moru protesaun (bronjong) no abutmen ponte inklui asegura komunidade sira nia natar ho komunidade sira ne'ebé hela besik mota ninin hodi hado'ok sira husi impaktu dezastre naturál.

Antes hakat ba Maliana, hodi monitoriza normalizasaun Mota Kailako, Ministru Obras Públikas,Samuel Marçal ho ekipa tékniku minitoriza uluk rai halai ne'ebé akontese iha área Karimbala, Munisípiu Liquiçá. Vizita ne'e ho objetivu atu halo observasaun direta ba estragus iha infraestrutura estrada no identifika pasu tékniku sira ne'ebé presiza foti hodi asegura movitasaun transporte ho seguru.

Husu ba ekipa tékniku sira atu servisu ho kualidade no aselera servisu normalizasaun ne'e antes udan-boot mai tan, hodi nune'e la fó perigu ba infraestrutura estrada no uma povu nian iha Kailako.*

Media-MOP