MINISTRU OBRAS PÚBLIKAS REPREZENTA PM XANANA ENTREGA APOIU MATERIAL BA KOMUNIDADE ALDEIA SABEN HODI KONSTRUI KAPELA

Oecussi, 23 Fevereiro 2026

Minsitru Obras Públikas, Samuel Marçal iha segunda-feira ne’e akompañia husi Asesor Prinsipál Rejiaun Administrativa Espesiál Oé-Cusse Ambeno (RAEOA), Agostinho Caet, reprezenta Primeiru-Ministru (PM), Kay Rala Xanana Gusmão entrega apoio ne’ebé oferese husi Xefe Governu ba Komunidade Aldeia Saben, Suku Bobometo, Posto Administrativu Oesilo ho komunidade Aldeia Bimelo, suku Bobokasa, Postu  Administrativu Pante Makasar hodi konstrui Kapela, MOP entrega ho orsamentu montante rihun $10.

“Hau kontenti tanba bele mai hasoru inan, aman sira iha nee, Primeiru-Ministru (PM), Kay Rala Xanana Gusmão bolu hau ba hasoru no husu hau atu ajuda hadia kapela ne'e, hodi bele fasilita ita boot sira bele tuir misa”, hatete Ministru Obras Públikas.

Iha biban ne’e komunidade sira husi Komunidade Aldeia Saben, Suku Bobometo, Posto Administrativu Oesilo ho komunidade Aldeia Bimelo, suku Bobokasa, Postu Administrativu Pante Makasar, manifesta sentimentu agradese ba Primeiru-Ministru Xanana Gusmão hafoin simu material konstrusaun ba Kapela Huebanais, ne’ebé entrega liu husi Ministeriu Obras Públikas.

Inisiativa ida ne’e konsidera hanesan forma apoiu Governu atu haforsa infraestrutura relijioza no responde ba nesesidade komunidade lokal iha área refere.*

Media-MOP