GOVERNU SENTRAL REALIZA ENKONTRU HO ESTRUTURA RAEOA HO FUNSIONARIU SIRA KONA-BA DEKRETU LEI NE’EBE FOIN LALAIS NE’E KONSELLU MINISTRU APROVA

Oecussi, 23 Fevereiro 2026

Governu sentral ne’ebé lidera husi Ministru Obras Públikas, Samuel Marçal, Ministra Finansas, Santina José Rodrigues Ferreira Viegas Cardoso, Prezidenti Komisaun Funsaun Publikas, Agostinho Letêncio de Deus akompania hosi PA RAEAO, Régio da Cruz Salu ho Prezidenti Autoriedade Aduaneira, Joanico Pereira enkontru ho Estrutura Rejiaun Administrativa Espesiál Oé-Cusse Ambeno (RAEOA) ho funsionariu sira, iha sala auditoriu Autoriedade Aduaneiru RAEOA, Palaban, segunda-feira ne’e.

Objetivu husi enkontru ne’e atu dezamina estatutu Foun RAEOA ne’ebé Konsellu Ministru aprova iha loron 30 Janeiru 2026, dekretu-lei kona-ba Estatutu foun RAEOA nian.

Iha enkontru ho Estrutura RAEOA ho funsionariu sira Ministru Obras Publikas akompania hosi Diretor Jeral Administrasaun no Finansas, Joao Amaral, kordenador Unidade Inspesaun Verifikasaun no Pagamentu, Eng. Aleixo do Carmo Amaral, Prezidenti BTL.E.P, Paulo da Silva ho kordenador PMU Estrada, Eng. Almicar Vitor da Costa enkontru hetan partisipasaun masimu husi estrutura RAEAO no funsionariu sira.*

Media-MOP