MINISTRU OBRAS PÚBLIKAS VIZITA ESKRITORIU ARAKAWA-KARYU

Japaun, 19 Janeiru 2026

Ministru Obras Públikas Samuel Marçal ho komitiva kompostu husi Xefe Gabineti MOP,Cristovão Fausto Guterres, Diretór Géral Estrada Ponte no Kontrolu Cheia (DGEPCC), Nene Lobato, Koordenador Unidade Inspesaun Verfikasaun no Pagamentu, Aleixo Amaral do Carmo, hala'o vizita ba Eskritóriu Arakawa-karyu iha MLIT nia okos.

Iha biban ne'e Diretór Kikuta husi Gabinete MLIT fó benvindu ba Ministru Obras Públikas ho komitiva.

Diretór Kikuta esplika esbosu husi Arakawa Floodway no fornese vizaun jerál ida kona-ba dezenvolvimentu nasionál no dezafiu asosiadu sira iha relasaun ho investimentu pré-dezastre iha projetu sira kontrolu inundasaun nian.

Hafoin esplikasaun remata, delegasaun Ministru Obras Públikas kontinua ba vizita Portaun Bee Iwabuchi, ne'ebé kontrola fluxu bee-mota tama ba mota Sumida (mota Ara tuan).*

Mídia-MOP