PRIMEIRU MINISTRU IX GOVERNU KONSTITUISIONAL OFISIALMENTE LANSA PROJEITU KONSTRUSAUN ESTRADA GLENU-LETEFOHO NO ESTRADA URBANA GLENU VILA

Ermera, 26 Janeiru 2026

IX Governu Konstitusionál ne’ebé lidera husi Primeiru Ministru (PM), Kay Rala Xanana Gusmão, ofisiálmente lansa no akompania asina kontratu bá projetu konstrusaun Estrada Glenu-Letefoho no Estrada Urbána Glenu Vila, serimónia lansamentu no asinatura ne’e halao iha EBC Eraulu, Postu Letefoho, Munisípiu Ermera, Segunda-feira ne’e.

Primeiru-Ministru Timor-Leste, Kay Rala Xanana Gusmão, informa, konstrusaun Estrada Gleno-Letefoho povu hein kleur ona kona-ba dezenvolvimentu infraestrutura bázika, liu-liu estrada no ponte sira, ne'ebé esensiál bá nesesidade povu nia liu-liu povu Ermera hodi bele sente dezenvolvimentu iha setór hotu-hotu, kestaun ne’e Deklarasaun ne’e Primeiru Ministru Xanana Gusmão hato’o iha seremónia lansamentu fatuk dahuluk no asina kontratu ba projetu Estrada Urbana Glenu no Estrada Gleno-Letefoho iha EBC Eraulu, Postu Letefoho, Segunda-feira ne’e.

Iha nia diskursu, Primeiru Ministru Xanana Gusmão hatete, konstrusaun estrada ne’e hanesan kontinuasaun husi planu governu nian ne'ebé aprova ona iha 2010 no 2011, bazea meta implementasaun PEDN ne’ebé ligado ho dezenvovimentu infraestrutura sira hanesan, Estrada, bee mos no eletrisidade.

Aleinde ne’e Primeiru Ministru, Xanana Gusmão hatete responsabilidade governu no autoridade lokal nian mak hodi oinsa atu servi povu ho diak laos atu buka benefisiu ba sira nia aan.

“Osan ne’ebe ita uza hodi halo dezenvolvimentu, osan povu nian ne’ebe sosa ho ruin no ran tanba ne’e tenke gasta ho diak, dezenvolvimentu infraestrutura baziku tenki inklui Edukasaun, Saúde, Desportu inklui mos konsiensia hosi ambiente ba jerasaun foun sira.

Iha fatin hanesan Ministru Obras Públika, Samuel Marçal, esplika prosesu bá projetu ida ne’e lao lentu oituan ka laos lalais, antes implementa tenke halo estudu tékniku, halo dezenhu, prosesu hotu tenke la tuir lei, no prosedimentu aprovisionamentu.

“Hau bele esplika tanba sa prosesu ne’e kleur uitoan, prosesu kleur tanba ita presiza halo estudu no halo dezeñu didiak para obra ne’e bele hetan kualidade ne’ebe didiak. Ita hotu-hotu hakarak lais maibe presiza tempu, laos iha tinan rua nia laran ita hakarak halo buat hotu-hotu, ita halo neneik maibe halo ho kualidade. Hau husu agradese ba povu Ermera tanba ho pasiensia it abele Hadia ita nia rai ho diak”, hatete Ministru Obras Públikas.

Ministru Obras Públika, Samuel Marçal esplika prosesu projetu ida ne’e laos lalais, tanbá tenke tuir estudu tékniku, dezenhu, lei, no prosedimentu aprovisionamentu ne’ebé loos. Lahaluha hato agradesementu ba parte hotu ne’ebé servisu makas hodi bele lansa fatuk dahuluk.

“Hau hato’o agradese wain bai ta boot sira ne’ebe oferese ona rai ho aihoris hodi konstrui estrada. Hau husu mos ba jovem sira labele halo impedimentu. Iha tempu badak mos ita sei lansa estrada Letefoho ba Atsabe, Atsabe ba Lourba no Lourba ba Bobonaro. Ohin ita asina uluk mak rehabilitasaun estrada Gleno-Letefoho ho estrada Urbana Ermera”, hatete Ministru Obras Públikas.

Prezidente Autoridade Munisípiu Ermera (PAM), José Martinho dos Santos, hato’o agradesementu  bá parte hotu ne’ebé halo esforsu husi tinan naruk to'o hetan momentu asinatura kontratu no lansamentu fatuk dahuluk.

“Agradese ba parte  hotu ne’ebe halo esforsu hosi tinan naruk to’o hetan momentu asinatura kontratu no lansamentu fatuk dahuluk ba projeitu estrada Gleno-Letefoho ho estrada Urbana Gleno inklui mos planeamentu ba infraestrutura sira seluk ne’e sei fo benefisiu ba populasaun hamutuk rihun 554 hosi Postu Administrativu haat iha Munisipiu Ermera”, hatete PAM Ermera.

Entretantu seremónia asinatura kontratu ne’e envolve Ministru Obras Públika (MOP), Samuel Marçal ho kompania  ne’ebé konstrui projeitu estrada Gleno-Letefoho ho akompania hosi Primeiru Ministru Kay Rala Xanana Gusmão, Reprezentante Bánku Mundial iha Timor Leste, David Freedman, Prezidente Autoridade Munisipiu Ermera, José Martinho dos Santos, inklui komunidade lokal sira.

Projetu estrada ne’e  kobre husi Letefoho (km 30+230) to'o Gleno (km 54+370) ho numeru kontratu TENDER/191/MOP-2024, durasaun servisu bá konstrusaun mák loron 365 (tinan ida) ho orsamentu hamutuk $38,800,054.00, ne’ebé implementa husi China Civil Engineering Construction Corporation (China).

Alende ne’e, IX Governo Konstitusionál asina mós projetu Estrada Urbána Glenu no sistema drainajen ne’ebé sei konstrui ho pakote rua ho durasaun servisu tinan ida. Pakote dahuluk ho nia total orsamentu $2,640,762.21 no pakote daruak ho nia total orsamentu $3,214,929.67, ne’ebé sei implementa husi kompania Shabryca Construction UNIP. LDA.*

Mídia-MOP