PM XANANA AKOMPAÑIA HOSI MINISTRU OBRAS PÚBLIKAS HO SEATOU “DEMOLISH” PONTE MAUFELU HODI KONSTRUI FALI PONTE FOUN

Dili, 23 Janeiru 2026

Primeiru-Ministru (PM), Kay Rala Xanana Gusmão akompañia hosi Ministru Obras Públikas, Samuel Marçal ho Sekretáriu Estadu Asuntus Toponímia no Organizasaun Urbana, Germano Santa Brites Dias inklui ekipa tékniku sira (Demolish) sobu ponte Maufelu ne’ebé lokaliza iha Suku Becora, Postu administrativu Cristo Rei, Munisípiu Dili iha Sesta-feira ne’e.

Antes sobu ponte, ekipa konjunta ne’ebé lidera husi PM Xanana akompañia lian-na’in sira hala’o uluk serimónia rituál iha ponte ne’e nia leten.

Entretantu Ponte Maufelu konstrui iha 17 Agostu 1979, hetan inaugura hosi Governadór Provínsia Timur-Timur, Guilherme Maria Gonçalves maibé medida kiik liu nune’e Governu deside sobu hodi halo foun atu bele fasilita di’ak liu-tán movimentu públiku. Ohin mós ekipa ne’e kontinua kedan ho alargamentu estrada iha área Becora.*

Mídia-MOP