MINISTRU OBRAS PÚBLIKAS HATUUR FATUK DAHULUK BA EDIFISIU FOUN MINISTERIU OBRAS PÚBLIKAS

Dili, 20 Dezembru 2025

Ministru Obras Públicas, Samuel Marçal akompania hosi Vise-ministru Infrastrutura, Júlio do Carmo ho Sekretário Estado Eletricidade, Água no Saneamentu, Santos Noronha, Prezidente Autoridade Munisípiu Díli, Francisco dos Santos hatur fatuk dahuluk ba konstrusaun foun Edifisiu foun Ministériu Obras Públikas.

Iha nia intervensaun, Ministru Obras Públikas, Samuel Marçal hatete hafoin hatur tiha fatuk dahuluk konstrusaun edifisiu foun MOP,  ne'ebé konstrui husi PT. NUSA KONSTRUKSI ENJINERING TBK. Indonesia, atu Servisu ho responsabilidade nune'e obra ne'e bele hotu tuir kontratu ne'ebé kompañia asina ona.

“Hau husu bá empreza PT. NUSA KONSTRUKSI ENJINERING TBK. Indonesia, atu serbisu ho responsabilidade tuir kontratu ne’ebé asina ona” hatete Ministru Obras Públikas iha seremónia hatur fatuk dahuluk ne’ebé realiza iha Kolmera, Sabado ne’e.

Iha biban ne'e Ministru Obras Públikas husu bá diresaun Jerais sira inklui instituisaun tuteladas sira hotu-hotu tenke hamutuk atu tau matan bá obra ne’e, hodi garante kualidade konstrusaun refere.

Partisipa iha serimónia asina hatur fatuk dahuluk ne’e, reprezentante  Institutu Gestaun Ekipamento,reprezentante, Prezidenti BTL.EP, Gustavo da Cruz , Prezidente Komisaun Ezekutiva, Eletricidade de Timor-Leste, Empresa Pública (EDTL, E.P), Paulo da Silva, Diretór Jerál Administrasaun i Finansas, João Amaral, Diretór Nasionál Estrada Ponte no Kontrolu Cheia (DNEPCC), Nene Lobato,  Diretór Gerál Habitasaun i Urbansimu (DGHU) Sr. Domingos D. J. Sequeira, kargu xefias sira inklui dirijenti no ekipa tekniku kompania  PT. NUSA KONSTRUKSI ENJINERING TBK. Indonesia, Xefe Suku Caicoli, Xefe SukuKolmera ho lia nain husi Uma Lisan Karketu Mota Ain.*

Mídia MOP