FILA HUSI MONITORIZA PROJEITU ESTRADA TONO-OESILO PM XANANA HO EKIPA KONTINUA KUDA AI-FUNAN IHA RAEOA

RAEOA, 27 November 2025

Hafoin remata monitoriza projetu Estrada Tono – Oesilo Primeiru-Ministru (PM), Kay Rala Xanana Gusmão ho ekipa kontinua kedan ba kuda ai-funan iha sidade kapitál Rejiaun Administrativa Espesiál Oe-cusse Ambeno (RAEOA), kinta-feira ne’e.

Kuda ai-funan simbólika ne’ebé hala’o iha área Santa Rosa, hafoin kuda simbólika, traballadór sira hosi empreza PAX kontinua kedan halo asaun konkreta hodi kuda ai-funan iha sidade Oe-cusse.

Iha serimónia ne’e kuda ai funan ne’e Xefe Governo akompañia hosi Ministru Obras Públikas, Samuel Marçal, Vise Ministru Infraestrutura, Júlio do Carmo, Sekretáriu Estadu Eletrisidade, Água no Saneamentu, Santos Noronha, Autoridade RAEOA ho ZEEDOA inklui Autoridade Seguransa ho Defeza.*

Mídia-MOP