PM XANANA HO EKIPA KUDA DU’UT VETIVER IHA RAI LOLON FRONTEIRA OESILO

RAEOA, 27 Novembru 2025

Primeiru-Ministru (PM), Kay Rala Xanana Gusmão ho ekipa hafoin remata, monitoriza projetu Estrada Tono – Oesilo, kontinua kedan ba atividade, kuda Du’ut Vetiver iha rai lolon estrada foun projetu Estrada Tono – Oesilo (Asuntu protesaun bio-engineering) no kontinua observa dezenvolvimentu iha área fronteira Oesilo liga ba PLBN Napan – TTU, Kinta-feira ne'e.

Objetivu prinsipál husi kuda du'ut vetiver maka atu prevene erozaun no rai-halai iha area foho-lolon.

Iha atividade ne'e Xefe Governo  akompania hosi Ministru Obras Públikas, Samuel Marçal, Vise Ministru Infraestrutura, Júlio do Carmo, Sekretáriu Estadu Eletrisidade, Água no Saneamentu, Santos Noronha, Autoridade RAEOA ho ZEEDOA, Autoridade Seguransa ho Defeza, konsuladu Timor Leste iha Atambua, Indonezia inklui Komandante Posto Seguransa Indonezia nian ne'ebé destaka iha Fronteira entre Timor Leste ho Indonezia (Napan).*

Mídia-MOP