MOP-UNDP HO EMBAIXADOR JAPAUN INAUGURA SISTEMA SOLAR PAINEL SOLAR IHA INSTITUTU NASIÓNAL FARMASIA NO PRODUTU MÉDIKU INKLUI SENTRU SAÚDE BOBE NO SENTRU SAÚDE HATU-CONAN

Dili, 23 Outubru 2025

Ministru Obras Públikas, Samuel Marçal akompañia hosi Katyna Argueta ho Embaixador Japaun mai Timor Leste, Kimura Tetsuya ho Diretora Ezekutivu Institutu Nasionál Farmásia no Produtos Médiku (INFPM), Paulina Mendonça Maher ofisialmente inagura sistema solar painél solár iha Institutu Nasionál Farmásia no Produtu Médiku (INFPM), Sentru Saúde Bobe no Sentru Saúde Hatu-Conan.

Atividade ne’e realiza iha edefisiu sentral Institutu Nasionál Farmásia no Produtu Médiku (INFPM), aldeia Mahon, suku Kampung Alor, kinta-feira ne’e.

Entretantu atividade ne’e bainhira realiza Governu halo parseria ho Programa Nasoins Unidas ba Dezenvolvimentu (PNUD) no hetan apoiu finanseiru husi Governu Japaun, hodi instala sistema enerjia solár panel ba iha Institutu Nasionál Farmásia no Produtus Médikus (INFPM) inklui mós Sentru Saúde Bobe no Sentru Saúde Hatu-Conan.

Inisiativa ida-ne’e halo parte iha projetu “Promosaun ba Transformasaun Verde iha Rejiaun Pasífiku kona-ba Dezenvolvimentu Zero Líkidu no Reziliente Klimátiku, ne’ebé ho objetivu atu promove enerjia renovaveis hodi hasa’e reziliénsia klimátika iha Timor-Leste no país illa ki’ik sira seluk.

Projetu ne’e finansia husi Governu Japaun, ne’ebé lansa iha tinan 2023 no ho objetivu atu transforma INFPM ba ezemplu ida husi sustentabilidade enerjétika, liuhusi instalasaun painél solár ne’ebé sei garante fornesimentu enerjia ida kontínua no estavel. Fornesimentu ida-ne’e importante tebes atu konserva ho adekuadu medikamentus, vasinas no produtu saúde nian sira seluk ne’ebé esensiál, atu nune’e bele garante ninia manutensaun ba temperatura ne’ebé seguru. Aleinde asegura estabilidade fornesimentu elétriku, sistema enerjia solár sei permite atu hamenus kustu operasionál ne’ebé boot no pegada karbonu instituisaun nian.

Partisipa iha seremónia inaugurasaun ne’e Xefe Gabineti Ministru Obras Públikas, Cristovão Fausto Guterres, reprezentante Ministra Saude inklui funsionariu INFPM.*

Mídia-MOP