PM XANANA VIZITA BA MINISTERIU OBRAS PÚBLIKAS

Dili, 23 Outubru 2025

Primeiru-Ministru (PM), Kay Rala Xanana Gusmão hala’o vizita supreza bá Ministériu Obras Públikus (MOP), iha Kaicoli, kinta-feira.

Objetivu vizita ne’e hodi haree rasik servisu sira ne’ebé funsionáriu liu-liu parte tékniku Unidade Inspesaun Verifikasaun ba Pagamentu (UIVP-MOP) hodi atualiza progresu infraestrutura ne’ebé implementa iha Timor-Leste.

Iha vizita ne’e, Xefe Governu rona direta aprezentasaun hosi Ministru Obras Pùblika, Samuel Marçal akompañia hosi Koordenador Jeral UIVP-MOP, Aleixo Amaral do Carmo no Xefe Seksaun Unidade Ponte no Estrada no Koordenador UGPRR, Tito Edgas de Fatima de Jesus hodi introdus mos programa implementasaun projetu sira iha Timor-Leste.

Hafoin enkontru, Xefe Governu hala’o vizita tama sai servisu fatin kada diresaun hodi konversa ho funsionáriu  hodi fó motiviasaun ba servisu ne’ebé sira hala’o iha MOP.

Iha oportunidade ne’e, funsionáriu agradese hodi uza oportunidade murak ne’e hasai fotografia hamutuk nu’udar momentu importante ida.*

Mídia-MOP