MINISTRU OBRAS PÚBLIKA HASORU SENIOR VISE PEZIDENTE JICA DESKUTE NESESIDADE GOVERNU TIMOR LESTE NIAN BA PROJEITU POTENSIAL SIRA IHA FUTURU

Dili, 02 Setembru 2025

Ministru Obras Públika, Samuel Marçal iha Segunda-feira ne’e hala’o enkontru ho Senior Vise-Prezidente JICA, Hataeda Mikio ne’ebe akompañia hosi reprezentante JICA nian iha Timor-Leste-Daisuke Fukumori.

Objetivu husi vizita Vise Prezidente Senior JICA nian mai Ministeriu Obras Públika atu halo dialogu ho Ministru Obras Públika kona-ba projeitu kooperasaun ne’ebe lao hela entre JICA ho Ministeriu Obras Públika, enkontru ne’e mos atu esplora no avalia nesesidade Governu Timor Leste nian ba projeitu potensial sira iha  futuru no identifika area sira ba dezenvolvimentu tuir mai ba kooperasaun ne’ebe benefisial.*

Mídia-MOP