KONSELLU MINISTRU DELIBERA HODI AUTORIZA DESPEZA NO PROSEDIMENTU APROVIZIONAMENTU NE’EBE APREZENTA HOSI MOP HODI HALO EZEKUSAUN BA PROJEITU HAAT KONA-BA REHABILITASAUN INFRAESTRUTURA RODOVIARIAS
KONSELLU
MINISTRU DELIBERA HODI AUTORIZA DESPEZA NO PROSEDIMENTU APROVIZIONAMENTU NE’EBE
APREZENTA HOSI MOP HODI HALO EZEKUSAUN BA PROJEITU HAAT KONA-BA REHABILITASAUN
INFRAESTRUTURA RODOVIARIAS
Dili, 30 Jullu 2025
Konsellu
Ministru delibera atu autoriza despeza no abertura ba ninia prosedimentus
aprovisionamentu hodi halo ezekusaun ba projeitu rehabilitasaun infraestrutura
rodoviarias haat ne’ebe aprezenta hosi Ministru Obras Públika, Samuel Marçal
iha Palasiu Governu, Kuarta-feira ne’e.
Rehabilitasaun
ba Estrada Nasional, iha seksaun entre Kruzamentu Lourba (Bobonaro), Atsabe no
Kruzamentu Letefoho (Ermera) ho naruk 48,93km no kustu ne’ebe preve dolar
millaun 47,9.
Rehabilitasaun
ba Estrada Nasional, iha seksaun entre Maliana, Kailaku no Ponte Marobo
(Munisipiu Bobonaru) ho naruk 26km no kustu ne’ebe prevee dolar millaun 25,6.
Rehabilitasaun
Estrada Munisipal, iha seksaun entre kruzamentu Bobonaru no Lolotoe Vila ho
naruk 8,9km no kustu ne’ebe prevee dolar millaun 13,8.
Rehabilitasaun
ba Estrada Urbana Likisa, ho naruk 20km no kustu ne’ebe prevee dolar millaun
19,8.
Governu
mos fo instrusaun ba Komisaun Nasional Aprovisionamentu hodi hahu etapa sira tuir
mai hosi prosedimentu kontratasaun públika nian, tuir lejizlasaun ne’ebe
vigora.*