KONSELLU MINISTRU APROVA KOMPOZISAUN KOMITÉ REVIZAUN POLĺTIKU BA ORSAMENTU JERAL ESTADU BA TINAN 2026

Dili, 30 Jullu 2025

Konsellu Ministru aprova projeitu Rezolusaun Governu ne’ebe aprezenta hosi Vise-Ministra Finansas, Felicia Claudina da Cruz Carvalho kona-ba definisaun kompozisaun Komité Revizaun Polítiku ba Orsamentu Jeral Estadu ba tinan 2026.

Komité Revizaun Polítiku iha objetivu atu garante katak planu annual hosi servisu no entidades setór Públiku Administrativu viavel no aliñadu ho prioridades nasional ne’ebe estabelese iha Planu Estratejiku Dezenvolvimentu tinan 2011-2030, iha Programa Governu, iha planu tempu mediu no dokumentu estratejiku sira seluk. Komité mos iha responsabilidade atu asegura katak dotasaun orsamental ne’ebe atribui tuir planu hirak ne’e no limite masimu ba despeza ne’ebe define ona, no mos garante katak inkluzaun dotasaun iha orsamentu Jeral Estadu depende ba inskrisaun previa hosi ninia atividade iha planu servisu anual ka entidade sira ne’e.

Komité Revizaun Polítiku ne’e sei prezide hosi Primeiru Ministru no kompostu mos hosi Vise-Primeiru Ministru rua, Ministra Finansas, Ministru Obras Públika no Ministru Planeamentu no Investimentu Estratejiku, Sekretariu Estadu Igualdade, Prezidente Komisaun Funsaun Públika, Prezidente Institutu ba Defeza Direitu Labarik, reprezentante ida hosi Asosiasaun Defisiente Timor-Leste no mos sei partisipa iha sorumutu Komité Revizaun Polítiku nu’udar observador.*

Mídia-MOP