MINISTRU OBRAS PÚBLIKA INAUGURA PROJEITU KONSTRUSAUN SISTEMA BEE MOOS IHA FATUERLIU NE’EBE FO BENEFISIA UMA KAIN HAMUTUK 759

Manufahi, 26 Jullu 2026

Ministru Obras Públika, Samuel Marçal akompañia hosi Koordenador Unidade Inspesaun Verifikasaun no Pagamentu, Aleixo Amaral do Carmo, Diretor Ezekutivu Interinu Ajensia Dezenvolvimentu Nasional (ADN), Januariu M. Guteres, Prezidente Komisaun Ezekutivu BTL,E.P., Gustavo da Cruz, Vise-Prezidente Komisaun Ezekutivu BTL,E.P. ba Asuntu Tekniku, José Filipe Ximenes Smith, Vise-Prezidente Komisaun Ezekutivu BTL,E.P. ba Asuntu Korporativu, Manuel Tomás Amaral de Carvalho, Diretor DEI BTL,E.P., Jestór Infraestrutura BTL,E.P., Legal ho ekipa inaugura projeitu konstrusaun Bee moos iha Postu Administrativu Fatuberliu, Munisipiu Manufahi.

Iha nia intervensaun, Ministru Obras Públika, Samuel Marçal informa, hafoin halo vizita ba iha instalasaun Bee senti kontente, tanba Sistema ne’ebe BTL,E.P. implementa liu hosi kompañia nasional sira bele kanaliza ona Bee moos ho kualidade ne’ee aas tebes hodi fornese ba komunidade sira.

“Ohin mai iha ne’e inaugura fornesimentu Bee moos. Projeitu konstrusaun Sistema bee moos ne’ebe implementa iha Fatuberliu nia orsamentu ho total 1.5 milhoes, dada ba uma kain hamutuk 759 ho total populasaun ne’ebe asesu Bee moos hamutuk 4.554”, hateten Ministru Obras Públika.

Ministru Obras Públika haktuir alende mai inaugura bee moos mai rona mos povu Fatuberliu nia preokupasaun sira seluk ligadu ho kondisaun Estrada, Eletrisidade no Bee moos inklui kondisaun sira seluk ne’ebe mak Governu bele tau konsiderasaun ba orsamentu tinan oin.

Iha biban ne’e Ministru Obras Públika hato’o parabens ba ekipa BTL,E.P. ne’ebe konsege duni realiza planu ida ne’e no agradese mos ba kompañia Timor oan nain tolu, Kompañia Haksolok, Kompañia Zafar no Kompañia Arlong ne’ebe servisu no halo kualidade implementa ho diak no hatudu duni sira nia sentimentu nu’udar Timor oan no hau fiar katak sira laos atu manan deit lukru maibe ho sira nia rezultadu konstrusaun ne’ebe maki ha sira hatudu duni hanesan Timor Oan tanba Nasaun ne’e presiza  duni ema ne’ebe mak servisu ho duni ho fuan.

“Hau kontenti ho Kompañia Timor Oan nain tolu ne’ebe kaer projeitu ne’e, hau lembra liu mak Kompañia Haksolok ne’e, nia mai haksolok ema duni, husu ba inan-aman sira atu utiliza didiak instalasaun ne’ebe iha, kuandu problema ruma labele sobu rasik, imi ne’ebe hetan ona instalasaun Bee, bainhira hasoru problema labele sobu no liga rasik, se lae bele estraga buat hotu-hotu, tanba ne’e hau husu ita hotu tenki kuidadu buat ne’ebe Governu tau ona ba ita, Governu gasta hodi utiliza ho tempu ne’ebe naruk se lae fulan neen att tiha ona”, hateten Ministru Obras Públika.

Iha fatin hanesan, Prezidente BTl,E.P., Gustavo da Cruz hateten Sistema Bee moos ohin inaugura tanba servisu ne’e hahu hala’o iha tinan 2023 no servisu sira ne’e fahe ba pakote haat, iha faze perfurasaun Bee kaer hosi Kompañia H2O ho kapasidade bee 18 litru por segundu ho medida kubiku atus-neen.

“Prosesu daruak mak lori Bee ba iha tanke rezervatoriu konstrui hosi Kompañia Harley, faze datoluk kontinua halo kanalizasaun ba distribuisaun bee ne’e Kompañia Haksolok mak halo, ikus liu mak liga metru kontador ba komunidade sira” dehan Prezidente BTL,E.P.

Prezidente Ezekutivu BTL,E.P. haktuir investimentu Bee ne’e importante ba moris ita nia povu nian, hanesan Instituisaun ne’ebe jere kona-ba bee husu atu inan-aman sira kuidadu fasilidade ne’ebe ita inaugura ona, atu nune’e fo biban ba Governu hodi tau matan ba postu sira ne’ebe mak oras ne’e sei halerik hela ba bee moos.

Iha sorin seluk, Administrador Fatuberliu, Marcelino Amaral agradese ba BTL,E.P. ne’ebe tau planu orsamentu ba postu Fatuberliu liga ba bee moos nian.

“Bee moos ne’e asesu ba Suku tolu asesu ona, maibe iha aldeia rua hanesan SP1, SP2 no Tatekar mak seidauk asesu ba iha bee moos, sira moos presiza bee maibe ohin loron sira seidauk bele hetan, maibe ita husu ba Prezidenti BTL,E.P. hodi aban bainrua bele aselera hela aldeia sira seidauk asesu ba bee moos ne’e duni.

Benefisiariu ba obra ne’e hamutuk uma kain 759 ho populasaun 4.554. Projeitu ida ne’e finansia ho orsamentu hamutuk dolar amerikanu 1,437,056.71.

Partisipa iha serimonia inaugurasaun obra ne’e, Prezidente Autoridade Munisipiu Manufahi, Administrador Postu Administrativu, PNTL, Veteranu, Autoridade Lokal no Komunidade sira.*

Mídia-MOP