KONSELLU MINISTRU DELIBERA PROPOSTA LIMA NE’EBÉ APREZENTA HOSI MINISTRU OBRAS PÚBLIKA

Dili, 21 Novembru 2024

Sorumutuk Konsellu Ministru iha kuarta-feira ne’e delibera projetu Lima (5) ne’ebé aprezenta husi Ministru Obras Públikas, Samuel Marçal iha Palásiu Governu, sorumutu ne’e rasik lidera hosi Primeiru-Ministru, Kay Rala Xanana Gusmão, iha Palasiu Governo.

Projetu sira ne’ebé aprezenta husi Ministru Obras Públikas, Samuel Marçal, Konsellu Ministru delibera hodi hetan autorizasaun atu halo despeza mák;

·       Autoriza despeza ba konstrusaun edifísiu eskritóriu andar neen ba Ministériu Obras Públikas, no edifísiu andar ida besik ba Laboratóriu Enjeñaria Sivíl, ho kustu besik dolar amerikanu millaun 20.

·       Autoriza despeza ba reabilitasaun no manutensaun seksaun estrada entre Seloi, Aileu no Gleno, Ermera, ho naruk km rihun 18, ho valór obra ne’ebé prevee dolar amerikanu millaun 15,97.

·       Autoriza despeza ba reabilitasaun no manutensaun ba seksaun estrada entre Lospalos no Lautein, ho naruk km 27.980, ho valór obra ne’ebé prevee dolar amerikanu millaun 22,7.

·       Autoriza despeza ba reabilitasaun no manutensaun ba seksaun estrada entre Lautein no Kom, ho nia naruk km 19.760, ho valor obra ne’ebé prevee dolar Amerikanu millauns 13,8.

·       Autoriza despeza ba reabilitasaun no manutensaun seksaun estrada entre kruzamentu Letefoho no Gleno, ho naruk km 24.140, ho valór obra ne’ebé prevee dólar amerikanu millaun 45.*

Mídia-MOP