PROGRESU FIZIKU PONTE KASNAFAR ATINZI ONA 50%

Dili ,12/Juñu 2024.

 Ministru Obras Públika-Samuel Marçal Haktuir,Konstrusaun Poonte Kasnafar ne’ebe lansa fatuk dahuluk iha loron 26 fulan Novembru 2023, Nia Progresu Fiziku dadaun ne’e atinji ona 50% konstrusaun Ponte Kasnafar tuir Medida nebe’e mensiona iha Kontratu 70 Metru maibe husi empreza Carya Timor-Leste,Lda oferese tan 10 Metru ba Governo Timor-Leste ho nune’e Ponte Kasnafar nia Medida hamutuk 80 metru.

“IX Governo Konstitusional Prevei ona Orsamento husi Fundus das Infrastruturas (FI) ho Montante $3.632.896.18. Progresu fisiku atinji ona 50% no Progresu ba Pagamento foin atinzi 24,90% Empreza Carya Timor-Leste,Lda Asina Kontratu iha dia 24 de Novembru de 2023,tuir planu konstrusaun ponte refere sei remata iha fulan Aostu ninan ne’e,” Hateten Ministru Obras Públika.

Desizaun IX Governu Konstitusional liu husi Ministerio Obras Públika,konstrui ponti foun kasnafar iha Suko Bokolelo no Suku Dare ,Ponstu Administrativu Laulara Munisipio Aileu no Postu Administrativu Vera-Cruz, Munisipio Dili atu bele Fasilita Movimento Transporte no ema.

Antes ne’e iha loron 26 fulan Novembro 2023 Vise-Primeiru Ministro no Ministro Koordenador  Assuntu Ekonomiko no Ministru Turismu no Ambiente-Francisco Kalbuadi Lay akompaña husi Ministru Obra Públika-Samuel Marçal no Ministru Planeamento Estratejiku-Gastão de Sousa hala’o Lansamentu Lansamento dahuluk ba Ponte Kanafar.

Entretantu Numero Kontratu husi Projetu ne’e mak,SSS/051/MOP/2023 no Naran Projetu Construction of New Bridge 70 m, 2 Span Pre-Stressed Box Grider Double Cell, Be’e mos, Kasnafar ,Dare Municipility of Dili.*

Mídia-MOP