REHABILITA ESTRADA TURISKAI BA MAUBISSE,MOP SELEBRA AKORDU HO EMPREZA MONTANA DIAK.

Manufahi 13 Juñu 2024

Ministru Obras Públika-Samuel Marçal, Liu husi Ministerio Obras Públika, Iha loron Kinta feira ne’e selebreda kotratu ho empreza MONTANA DIAK UNIPESOAL. Lda. Ba Projetu Rehabilitasaun Estrada Diresaun hosi Postu administrativu Turiskai, Munisipio Manufahi to Postu Administrativu Maubisse,Munisipio Ainaro.

Ohin ita mai assisti no akompaña Prosesso assina Kontratu ho empreza Montana diak ba rehabilitasaun Estrada turiskai ba Maubisse iha salaun Bitani Postu Administrasaun Turiskai .

Ministru Obras Públika Haktuir Montante Projetu nebe’e alloka ba estrada ligasaun turiskai ba maubisse nia montante ho Millaun $3.4.

“Montante Orsamento ba Prejetu Rehabilitasaun Estrada Turiskai ba Maubisse ho Montante $3.4. Ita fo tempo ba fulan ida atu Mobiliza nia Ekipamento Pezadu mai iha ne’e para hahu ona projetu ne’e no projetu rehabilitasaun estrada turiskai ne’e tenke tuir nia tempu” Dehan Ministro Obras Públika.

Iha biban ne’e Ministro Obras Públika husu ba Komunidades sira atu kontribui ba projetu ne’e no labele halo impedemento ba empreza nebe’e halao projetu, Nune’e projetu rehabilitasaun estrada bele lao tuir tempu nebe termina ona iha kontratu.

“hau husu ba kmunidade sira iha turiskai favor ida kontribui ba projetu ida ne’e . hau mos husu ba autoridades lokal ,liliu ba administrador postu, Xefi do Suku sira Inklui Xefi Aldea sira iha postu turiskai ,tenke tau matan ba projetu ne’e para ita nia Desenvolvimento bele lao ho diak ”Tenik Ministru Obras.

Ihafatin hanesan Vice Ministru Assuntu Parlamentar-Aderito Hugo da Costa ,Hatete ,Ohin hetan Oportunidade ita bele sai sassin ba selebrasaun kontratu projetu Rehabilitasaun Estrada husi Turiskai ba Maubisse.

Estrada husi turiskai ba maubisse ne’e aat desde uluk ,laos turiskai det maibe estrada sira seluk iha Munisipio Manufahi mos .maibe Governu hahu’u tau importansia hodi hadia Estrada turiskai ba Maubisse. Ohin hau hola parte iha ne’e sai hanesan sassin ba assina kontratu Governo ho empreza ba rehabilitasaun Estrada Turiskai “hatete Vise Ministro Assuntu Parlamentar –Aderito Hugo da Costa.

Vise Ministru Assuntu Parlamentar ,haktuir ,Rai Turiskai nudar fatin Moris Saudozu FRANCISCO XAVIER DO AMARAL hanesan Primeiru Prezidente Repúblika Demokratika de Timor-Leste no Hanesan mos PROKLAMADOR ba INDEPENDENSIA TIMOR-LESTE IHA 28 Novenmbro 1975.

Rehabilitasaun Estrada ida ne’e fo Valorizasaun ida ba ita nian Proklamador no turiskai oan sira katak sira nia sofrementu hahu ohin Governo Rezolve ona ” nia haktuir

Vise-Ministro Parlamentar Afirma ,IX Governo iha Komprimisiu sei halo rehabilitasaun ba Estrada sira iha Teritorio Timor laran tomak .

Entertanto Director Empreza Montana Diak Lay Fu Sen ,Kompremetidu projetu Estrada Turiskai ba Maubisse ,sei halo ho kualidade diak ,bainhira implementa Projetu sei halao tuir kontratu ne’ebe assina ona Governo liu husi Ministerio Obras Públika.

“Ami sei halo projetu ne’e ho diak no kualidade no termina tuir kntratu ne’ebe iha ona” Dehan Director Empreza Montana Diak.*

Mídia-MOP