GOVERNU NO IFC-WORLD BANK DESCUTE IMPLEMENTASAUN PROJETU AEROPORTU PREZIDENTE NICOLAU LOBATO
GOVERNU NO IFC-WORLD BANK DESCUTE IMPLEMENTASAUN PROJETU AEROPORTU PREZIDENTE NICOLAU LOBATO
DILI, 09 fevereiru 2024- Primeiru-Ministru, Kay Rala Xanana Gusmão hala’o enkontru ho Reprezentante International Financial Corporation (IFC- World Bank), Melisa Day hodi deskute kona-ba kooperasaun servisu hodi implementa kontrusaun ba future projetu Aeroportu Internasionál Prezidente Nicolau Lobato, Dili.
Enkontru ne’e akompaña direita hosi Ministru Planeamentu no Investimentu Estratéjiku, Gastão Francisco de Sousa, Ministra Finansas, Santina José Rodrigues F. Viegas Cardoso no Ministru Obras Públiku (MOP) Samuel Marçal hodi rona direita programa no planu ne’ebé Governu no IFC-World Bank koopera.
Ministru Planeamentu no Investimentu Estratéjiku, Gastão informa enkontru ne’e sira deskute kona-ba kontinuasaun apoiu hosi IFC-World Bank atu haree implementasaun projetu boot sira hanesan, aeroportu, portu no estrada sira.
"Encontru ohin hamutuk ho senhor primeiro ministro Xanana hare'e liu ba projeitu reabilitasaun Aeroportu Dili hodi ita descute ho senho Melisa Day husi IFC Ami hare'e oinsa ida ita dudu projeitu sira ne'e ba oin ba aeroportu ita sei halo revizaun ba dezenu , kustu no buat hotu-hotu Depois sei halo fila fali Aprezentasaun tamba seidauk finaliza." informa Ministru Gastão ba jornalista iha Palasiu Governu, Dili.
Projetu Aeroportu Dili sei hala’o liu hosi modalidade Parseiru Públiku Privadu (PPP) ne’ebé governu sei tau osan no nomos setór privadu.
Governu sei kontinua konvida nafatin Governu Japaun ne’ebé apoia halo dezeñu ba Aeroportu hodi haree hamutuk servisu.
Iha enkontru ne’e, Reprezentante International Financial Corporation (IFC- World Bank), Melisa Day entrega mós relatóriu no programa sira ne’ebé IFC no Governu Timor-Leste trasa ona sei hala’o deskusaun klean liután molok hala’o implementasaun.
Mídia Mop