Dili, 09 Fevereiro 2024

Ministru Obras Públika-Samuel Marçal halao enkontru ho Jean Todt-enviadu espesiál Sekretáriu-Jeral ONU nia ba asuntu Estra no Transporte, hodi koalia konaba progresu dezenvolvimentu Estrada iha Timor Leste.

Enviadu espesial ONU ba asuntu Estrada no Transporte ne’e haktuir, nia mai iha Timor Leste, mai hanesan envidau espesial Sekretáriu-Jeral ONU, enkontru ida ohin ho Ministru Obras Públika, ko'alia kona-ba importánsia hosi Estrada, asegura estrada no eduka foin-sae sira oinsa utiliza estrada ne'e ho diak no seguru.

“Hau mai Timor-Leste, ha'u-nia papel, nu'udar enviadu espesiál Sekretáriu-Jeral ONU nia, hodi fo apoiu Prezidente José Ramos-Horta, Governu Timo Leste no stakeholders hotu iha sira-nia servisu hodi halo Estrada ne'ebé seguru no sustentavel ba ema hotu,atu asesu no oinsá eduka foin-sae sira atu utiliza estrada ho diak,”dehan Jean Todt bainhira hasoru malu ho Ministru Obras Públika iha Caicoli, sesta ne’e.

Iha biban ne'e Ministru Obras Públika-Samuel Marçal, hato agradese wain ba enviadu espesiál Sekretáriu-Jeral ONU nian, ne’ebé mai vizita ona Ministériu Obras Públika. Kona-ba Estrada Ministru Obras Públika informa ba enviado espesial ONU,kona-ba kondisaun Estrada nasional no munisipal, mesmu balun sei aat, maibe tuir planu ne’ebé iha hahu husi tinan ida ne’e, sei halo kompleta tiha Estrada hirak ne’e.

“Ita hahu halo ona planu atu kompleta Estrada nasionál iha tinan ne’e no tinan oin mai, ita bele kontinua ho Estrada munisipál,”hatete Ministru Obras Públika.

Hafoin enkontru ne’e remata enviadu espesiál Sekretáriu-Jeral ON-Jean Todt entrega livru ne’ebé nia rasik mak hakerek, livru ne’e ho título “Millions of Lives to save on the roads” ba Ministru Obras Públika no Ministru Obras Públika mos la haluha tara Tais no entrega emblema Ministériu Obras Públika ho Illa Timor.(*)

Mídia-MOP