Dili, 7 Fevereiro 2024

Ministru Obras Públika-Samuel Marçal akompania hosi Sekretáriu Estádu ba Elétrisidade Bée no Saneamentu (SEEAS)-Santos Noronha halao enkontru ho ekipa tékniku Gabinete SEEAS, iha Salaun Ministériu Obras Públika MOP Kaikoli, Quarta-feira ne'e.

Objetivu hosi reuniaun ne'e mak, aprezenta atu kona-ba Dezeño no BoQ ba projetu melloramentu bee-mos, ne’ebe sei instala iha fatin tolu.

Iha parte dahuluk ekipa tékniku hosi SEEAS aprezenta uluk dezeño no BoQ ba ponte suspensaun ba Illa Jaco ne'ebé tuir plano sei dada Bée liu hosi ponte refere, parte daruak, aprezenta dezeño no BoQ ba rehabilitasaun estasaun Bée iha Aldeia Wenunuk no rehabilitasaun estasaun Bée iha Aldeia Bedois.

Hafoin halo tiha aprezentasaun BoQba melhoramentu bee iha Wenunuk no Bedois Ministro Obrás Públika, fo ona orientasaun atu aselera iha tempu badak tamba konsidera hanesan servisu emerjensia.

Kona-ba, projetu ba ponte suspensaun ne’ebé tuir planu sei liga hosi Valu sere ba Illa Jaco Ministru Obras Públika husu atu hare’e fila-fali ba kustu orsamentu ba konstrusaun inklui padraun material sira ne’ebe sei utiliza atu konstrui ponte hosi Valu Sere ba Illa Jaco.(*)

Mídia-MOP