Reportajen: Alberto Menezes.

DILI, segunda 11/12/2023.

Ministru Obras Publikas-Samuel Marçal, fo ona orientasaun ba Instututo Gestão Ekipamento no Apoio Desenvolvimento Infraestrutura (IGE-ADI), halo normalizasaun ba ponte Kailako ne’ebé kotu, hafoin akontese udan boot, iha loron segunda (11/12/2023).

"Horseik kedas hau fo ona orientasaun ba ekipa tekniku sira no ohin sira ba hare no mobiliza ona ekipamentu pezado IGE-ADI nian ba iha neeba, pelumenus bele loke dalan alternativus para ita nia komunidade sira bele liu ba mai iha fatin nee,"dehan Ministru Obras Públika ba jornalista sira iha PN, Tersa ne'e.

Ministru Obras Públika haktuir, bainhira ekipa tekniku IGE-ADI sira tun ona ba terenu máka sira labele halo normalizasaun, Ministériu Obras Públika sei loke prosesu tenderizasaun ba kompania sira, hodi hahu halo kontrusaun ba ponte foun.

"Agora dadaun ne'e, hau orienta sira ba hare,se la labele halo normalizasaun, urjente mak ita bele halo ajudikasaun ba kompania sira neebe iha kapasidade atu halo normalizasaun urjenti hodi ezekuta lalais prosesu normalizasun nee,"tenik Ministru Obras Públika. (*)

Mídia-MOP