info@mop.gov.tl +670 3310972

Ministériu Haat (4) Segunda nee Halo Audensia Ho Parlamentu Nasional Komisaun C, E ho G

Ministériu Haat (4) Segunda nee Halo Audensia Ho Parlamentu Nasional Komisaun C, E ho G
Dili, 04 Dezembru 2023
Ministériu Obras Públika, Ministériu Planeamentu no Investimentu Estratéjiku, Ministériu Transporte i Telekomunikasaun ho Ministériu Finansas, ohin halao audensia ho Komisaun C, E ho G iha Sala Plenaria, Parlamentu Nasionál.
Siklu audiénsia públika nian ne’e sei promove husi Komisaun Espesializada Permanente Parlamentu Nasionál nian, kona-ba apresiasaun inisiál ba Proposta Lei kona-ba Orsamentu Jerál Estadu (OJE) ba tinan 2024. Audénsia públika sira-ne’e hala’o to’o loron 5 fulan-Detembru 2023
Durante períodu ida-ne’e, Komisaun sira sei rona membru Governu sira, aprezentasaun no planu ezekusaun orsamentu bazeia ba proposta OJE 2024, hosi kada Ministériu ne'ebé aprova ona iha Konsenllsu Ministru, hodi halo diskusaun no klarifikasaun kona-ba orsamentu setoriál sira ba tinan finanseiru 2024 nian.
Bainhira siklu audensia ne’e remata tiha, komisaun hahu'u preprara relatoriu
pareser iha loron 29 fulan-novembru to'o loron 6 fulan-dezembru tinan 2023.
Hahu'u hosi loron 29 fulan-novembru to'o loron 11 fulan-dezembru tinan 2023
Elaborasaun no aprovasaun ba relatóriu no paresér Komisaun C nian. Iha loron 12 no 13 fulan-dezembru tinan 2023, hahu hala'o diskusaun no votasaun iha jeneralidade. Diskusaun no votasaun iha espesialidade no votasaun finál globál, loron 14 to'o 20 fulan-dezembru tinan 2023. Loron 21 fulan-dezembru tinan 2023
Redasaun ikus Dekretu nian husi Komisaun C, hafoin iha loron 22 fulan-dezembru tinan 2023
Parlamentu Nasionál sei haruka Dekretu ba Prezidente Repúblika.
Entretantu iha loron 21 fulan-novembru 2023 Konsellu Ministrus hala’o sorumutuk iha Palásiu Governu Dili, no aprova ona projetu proposta Lei Orsamentu Jeral Estadu (OJE) ba tinan 2024, ne'ebé aprezenta husi Ministra Finansas, Santina José Rodrigues F. Viegas Cardoso, ho valór totál konsolidadu millaun rihun US$ 1,95, hodi kobre nesesidade sira husi programa no prioridade nasionál sira ne’ebé IX Governu Konstitusionál define ona. Iha
loron 23 fulan-novembru tinan 2023
Governu entrega Proposta Lei Orsamentu Jerál Estadu nian ba tinan 2024 ba Parlamentu Nasionál.
Kalendáriu ba diskusaun no votasaun OJE tinan 2024 nian hahu hosi 23 novembru toó 22 dezembru.
Loron 23 fulan-novembru tinan 2023
Governu entrega Proposta Lei Orsamentu Jerál Estadu nian ba tinan 2024.
Loron 27 fulan-novembru tinan 2023
Votasaun pedidu prioridade no urjénsia husi Parlamentu Nasionál.
Loron 30 fulan-novembru to'o loron 5 fulan-dezembru tinan 2023
Audiénsia Públika sira.
Loron 29 fulan-novembru to'o loron 6 fulan-dezembru tinan 2023
Elaborasaun no aprovasaun paresér setoriál sira.
Loron 29 fulan-novembru to'o loron 11 fulan-dezembru tinan 2023
Elaborasaun no aprovasaun ba relatóriu no paresér Komisaun C nian.
Loron 12 no 13 fulan-dezembru tinan 2023
Diskusaun no votasaun iha jeneralidade
Loron 14 to'o 20 fulan-dezembru tinan 2023
Diskusaun no votasaun iha espesialidade no votasaun finál globál
Loron 21 fulan-dezembru tinan 2023
Redasaun ikus Dekretu nian husi Komisaun C.
Loron 22 fulan-dezembru tinan 2023
Haruka Dekretu ba Prezidente Repúblika.(*)
Mídia-MOP