Dili, 22 Novembru 2023

Ministru Obras Públika-Samuel Marcal, iha loron kuarta foin lalais ne’e, simu vizita ida hosi fundadora Caltech Group- Sheilla Abilio Corte Real de Caldas, iha sala Gabineti Ministru Obras Públika, Caicoli.

Objetivu hosi vizita ne’e mák, fundadora Caltech Group atu informa kona-ba, Caltech nia atividade resiklagem no produtu resiklagem sira ne’ebé mák Caltech prodús iha Timor Leste.

Iha biban ne’e Ministru Obras Públika, hato agradesementu ba fundadora Caltech Group, ne’ebé mai aprezenta ona produtu resiklagem sira ne’ebé mák Caltech produs.

Bainhira sorumutu ne’e remata Ministru Obras Públika, kaer exemplu pavimentu ida husi tipu oin-oin ne’ebé disponível, produs husi vidru no plastiku, produtu foun husi Caltech, ne’e mák hanesan Tripleks, ne’ebé bele halo husi material resiklagem ho variedade oin-oin, inklui kaixa, plastiku, kontentador bebida no seluk tan.

Produtu sira ne'e hotu produs iha Caltech nian sentru rekuperasaun materiais no fasilidade resiklajem iha Comoro, Dili.

Fundora Caltech hatete, espera iha tempu badak bele hare produtu sira ne'e uza iha Timor Leste hanesan benefísiu ba nasaun no ambiente. Caltech halao operasaun iha Timor Leste desde tinan 2000 no agora emprega kuase 300 Timor-oan iha industria sira ne’ebé varia.(*)

Mídia-MOP