info@mop.gov.tl +670 3310972

Ministru Obras Públika Partisipa Aniversariu Dala 22 Forsa Naval Iha Betano

Ministru Obras Públika Partisipa Aniversariu Dala 22 Forsa Naval Iha Betano
Manufahi, 17 Novembru 2023
Ministru Obras Públika-Samuel Marçal iha loron sesta-feira ne'e partisipa iha serimonia aniversariu Komponente Naval ba dala 22 iha Betano, Manufahi.
Iha komemorasaun ne'e Ministru Obras Públika, husu ba Betano Oan, liu-liu joven sira atu kontribui nafatin pás, tanba iha tinan hira ba oin Betano sei sai sentru ba fatin refinaria Mina.
"Planu ne'ebé governu trasa, Suai sei sai sentru ba Supplay Base, LNG sei tau iha parte Viqueque, Beaco i Betano sei sai fatin ba refinaria Mina, ida ne'e ita fiar katak, sei lori dezenvolvimentu ekonomia ba Manufahi oan,"
Tan ne'e Ministru Obras Públika husu ba Manufahi oan sira,mantein nafatin estabilidade, hodi kria pás no dame.
Seremonia aniversariu Komponente Naval iha Betano ne'e hetan mós partisipasaun hosi, Prezidenti Autoridade Munisípiu Manufahi, Autoridade Lokal Suku Betano, Komandante PNTL Manufahi, Korpo Bombeiros Manufahi.(*)
Mídia-MOP