Loron Daruak Reuniaun Komite Revizaun Orsamentu, Diskuti Orsamentu Ministériu Haat
Loron Daruak Reuniaun Komite Revizaun Orsamentu, Diskuti Orsamentu Ministériu Haat
Dili, 25 Outubru 2023
Reuniaun Komite Revizaun Orsamentu (KRO) hodi deskuti Orsamentu Jerál Estadu (OJE) ba tinan 2024, iha loron daruak ne'ebé kontinua lidera hosi Primeiru Ministru-Kay Rala Xanana Gusmão, iha kuarta-feira ne'e
Tuir ajenda diskusaun, iha dader ne'e KRO hahu deskuti uluk proposta orsamentu hosi Ministériu Transporte no Telekomunikasaun ho nia entidade tutela sira, Administrasaun Portu Timor-Leste (APTL), Autoridade Aviasaun Sivil Timor-Leste (AVCTL), Autoridade Nasionál Telekomunikasaun (ANC), Tekonologia Informasaun Komunikasaun (TIC,I.P) no Ministériu Saúde ho diresaun sira hotu.
Iha parte lokoraik KRO,kontinua rona aprezentasaun hosi, Ministériu Komersiu Industria no Ministériu Agrikultura ni Peskas.
Entretantu iha sorin seluk, reuniaun Konsellu Ministru nian ne'ebé hala'o iha Palásiu Governu kuarta-feira ne'e, lidera hosi lidera husi Vise Primeiru Ministru-Francisco Kalbuady Lay,aprova ona rezolusaun Governu nian hodi define kompozisaun Komité Revizaun Polítika bá Orsamentu Jerál Estadu (OJE) tinan 2024 nian, ne’ebé aprezenta hosi Vise-Ministra Finansas, Felicia Claudinanda da Cruz Carvalho, kona-ba definisaun kompozisaun Komité Revizaun Polítiku ba Orsamentu Jerál Estadu tinan 2024.
Komité Revizaun Polítiku mak iha kompeténsia hodi verifika alokasaun estratéjika kona-ba rekursu submisaun orsamentál nian, ho objetivu atu atinje kompromisu no objetivu sira ne’ebé hatuur iha dokumentu estratéjiku no analiza kapasidade atu ezekuta planu ba tinan finanseiru 2024 nian.
Komité Revizaun Polítiku ne’e sei lidera hosi Primeiru-Ministru, Kay Rala Xanana Gusmão no kompostu hosi Primeiru Vise-Primeirus Ministrus-Francisco Kalbuadi Lay no Segundu Vise-Primeirus Ministrus-Mariano "Assanami" Sabino Lopes, Ministra Finansas (MF), Santina José Rodriguês Viégas Cardoso, Ministru Obras Públikas-Samuel Marçal ho Ministru Planeamentu no Investimentu Estratéjiku (MPIE)-Gastão de Sousa.(*)
Mídia-MOP