Dili, 03 Outubru 2023

Ministru Obras Públika-Samuel Marçal, akompañia hosi Prezidenti Ezekutivu sesante Autoridade Nasionál ba Eletrisidade (ANE, I.P) -Ruben Jerónimo Freitas ho Prezidenti Ezekutivu sesante Autoridade Nasionál ba Be'e no Saneamentu (ANAS, I.P)-Domingos Pinto, partisipa iha seremónia termus entrega kargu ANE,I.P no ANAS,I.P ba Diretora Geral Regulasaun Seitor Eletricidade, Agua e Saneamentu (DGRSEAS)-Arlinda Miranda.

Seremónia termus entrega kargu ANE-IP ho ANAS,I.P ba Diretora Geral Regulasaun Seitor Eletricidade, Agua e Saneamentu, hala’o iha sala reuniaun EDTL, E.P.Caicoli, Tersa ne’e.

Iha nia deskurusu Ministru Obras Públika hato’o agradese wain ba Prezidenti Ezekutivu ANE,I.P no ANAS,I.P, ne'ebé iha tinan hira nia laran hala’o ona kna’ar ho diak, hodi servi ba rai ida ne’e.

"Hau hato’o agradese wain ba ita bo’ot nain rua, ba servisu ne’ebe ita boot nain rua halo ona iha tibnan hira nia laran. Seremonia ida ohin ita hotu mai partisipa iha ne’e laos atu dehan ita bo’ot nain rua la halo servisu ka kapasidade la iha mak troka ita bo’ot nain rua, lae ?, "hatete Ministru Obras Públika.

Iha biban ne’e, Diretora DGRSEAS-Arlinda Miranda haktuir, agradese ba aman Maromak, tamba ho deit nia hakarak mak, ohin hau bele hetan oportunidade bele hamrik iha ne'e nu’udar DGRSEAS.

"Hau fiar katak,konfiansa ne’ebé ita bo'ot sira depozita ona mai hau hodi assume kargu nu’udar Diretora DGRSEAS. Ho fiar ida katak, ba oin Dirasaun Geral nia servisu kontinua halaó servisu sira ne’ebé ANE,I.P no ANAS,I.P halo ona no ajusta tan aktividades balu hodi bele melhora servisu iha Dirasaun Geral ida ne ho diak, nu’udar reguladora ba aktividades hotu iha seitor eletrisidade, Agua no Saneamento. Atu bele alkansa objetivu ka metas ne’ebé iha presija servisu hamutuk ho parte hotu, tamba ne ho haraik an hakarak husu ita bot sira nia hanoin diak, servisu hamutuk ho kordenasaun ne’ebé diak, liu-liu parte ne’ebé relevantes hanesan EDTL-EP, BTL-EP,"dehan DGRSEAS.

Diretora Geral Regulasaun Seitor Eletricidade, Agua e Saneamentu haktuir, nia hamrik iha ne’e ho Orgulho, nu’udar Diretora Geral para Regulacao dos seitores da Eletricidade, Agua i Saneamento, hanesan kargu ne’ebé a’as liu mos iha funsaun publiku. Kargu ida ne’ebé nia hetan laos deit tamba kbit ne’ebé nia iha, maibe mos tamba apoio husi ema hotu ne’ebé nia hasoru iha nia moris tomak, nu’udar oan, nu’udar maun alin, nu’udar kaben, nu’udar inan no liu liu iha momentu ne’ebé sira presiza nia prezensa nu’udar funsionariu publiku ne’ebé hetan konfiansa husi superior sira hodi assume kargu importante nudar Diretora Geral.(*)

Mídia-MOP