Dili,28 Setembru 2023

Ministru Obras Públika-Samuel Marçal, hamutuk ho membru Governu sira seluk, hasoru malu ho Prezidente Republika, José Ramos-Horta, hodi deskute planu asaun ba preparasaun eventu festival kultural no desportu ne'ebe sei realiza iha tinan oin.

Enkontru ne'e rasik hala'o iha Palasiu Prezidensial, Aitarak Laran, Kinta ne'e.

Hafoin remata hasoru malu, Asesor Prezidenti Republika Agostinho Caet, informa, enkontru ida ohin Prezidente Republika ho membru Governu sira deskuti kona-ba festival Kultural no desporto neebe realiza iha tinan 2024.

Festival Kultural no Desportu ne'e realiza iha 15 de Setembru to'o 15 Outubru 2024.

Objetivu hosi realiza atividade ne'e mak atu hametin unidade nasional nomos atu promove Timor nia area turismo. Iha enkontru nee mos desidi ona atu establese komisaun ida, no koalia mos oinsa kada ministeriu prepara orsamentu para bele enkaisa iha mekanismo ida atu nunee bele realiza atividade bele susesu.

Entratantu orsamentu ne'ebé atu aloka ba eventu sei deskuti, maibe hosi Palasiu Prezidensial rasik sei preve osan $ 2 Millaun.

Eventu ne'e rasik Preziente Republika Jose Ramos-Horta sei konvida komunidade aborigin (Australia), Komunidade Mauri (Nova Zelandia), Komunidade papua Indonezia hodi partisipa festival kultura no desportu, iha ne'ebé Timor Leste sei sai uma nain ba eventu refere.*

Mídia-MOP