Díli, 12 jullu 2023- Sua Exeléncia Ministro das Obras Públicas-Samuel Marçal, hetan vizita kortezia husi Country Representative UN-Women iha Timor-Leste, Amy Nishtha Satyam, iha sorumutu ne'e alem de ko'alia asuntu kooperasaun, Country Representative UN-Women ne'e hato'o mós kongratula ba Ministro das Obras Públicas foun.

Sorumutu ne'e rasik hala'o iha Gabineti Ministro das Obras Públicas, Caicoli, Kinta ne'e.

Objetivu husi vizita kortezia ne'e alem de atu hametin kooperasaun servisu, aumesmu tempu hato'o mós kongratula ba Sua Excelensia Ministro das Obras Públicas-Samuel Marçal, ne'ebé hetan fiar hodi asumi kargu hanesan Ministro das Obras Públicas.

Iha biban ne'e sorumutu ne'e mós Head of Office UN-Women iha Timor-Leste, Amy Nishtha Satyam, troka mós ideia balun ho MOP hodi diskute asuntu prioridade inklui identifika área ne'ebé UN-Women bele fo apoia ba Ministerio das Obras Públicas atu promove balansu jéneru no reforsa feto sira.

Alem de ne'e Country Representative UN-Women Amy Nishtha Satyam, Introduz mós servisu balun ne’ebé UN-Women halo ona hodi promove balansu jéneru no oinsá maka atu apoia ho ativu papél feto Timoroan sira nia aspirasaun. *remata