Dili, 28 Jullu 2023: Ministru Obras Públika, Samuel Marçal partisipa mini reuniaun Komité Revizaun Orsamentu (KRO) Retifikativu 2023, ne’ebé hala’o iha salaun Auditóriu Ministériu Finansas, Aitarak Laran, sesta (28/07/2023).

Prosesu elaborasaun orsamentu retifikativu 2023, Ministériu Finansas halo ona sesaun traballu ba membru sira IX Governu Konstitusionál, iha loron 14 fulan-jullu 2023 no aprezenta ona ba Konsellu Ministru iha loron 24 Jullu 2023.

Bazeia ba instrusaun husi Primeiru Ministru, Kay Rala Xanana Gusmão atu realiza Mini Komité Revizaun Orsamentu (KRO) hodi finaliza Proposta Orsamentu Retifikativu 2023.

Reuniaun Komité Revizaun Orsamentu (KRO) Retifikativu 2023 prezide direta husi Primeiru Ministru, Kay Rala Xanana Gusmão akompaña husi Vise Primeiru Ministru Asuntu Ekonomiku (Francisco Kalbuadi Lay), Vise Primeiru Ministru Asuntu Sosiál (Mariano ‘Assanami’ Sabino Lopes), Ministra Finansas (Santina José Rodrigues Ferreira Viegas Cardoso), Ministru Obras Públika (Samuel Marçal), Ministru Planeamentu no Investimentu Estratejiku (Gastão Francisco de Sousa).

Entretantu reuniaun KRO ne'e, realiza hetan apoiu husi Diresaun-Jerál Planeamentu no Orsamentu (DJPO), Ministériu Finansas no Sekretariadu Grande Projetu, Ajénsia Dezenvolvimentu Nasionál (ADN), Komisaun Nasionál Aprovizionamentu (CNA), nu'udar Sekretariadu ba KRO Retifikativu 2023.*

Mídia MOP