Dili,13 Julhu 2023-Iha loron kinta ne'e, Sua Exeléncia Ministro Obras Públicas,Samuel Marçal ho Sekretário Estado Eletrisidade, Água i Saneamento (SEAS) ,Santos Noronha ne'ebé husi Comissário Ezecutivo Serviço Técnico, Eng. Latino Jerónimo atu haree direta fasilidade sira,inklui sistema elétriku ne’ebé instala iha sub-estasaun Camea no sentrál elétrika Hera

Bainhira hala'o vizita dahuluk ba iha Sub-Estasaun Kamea, Becora, Sua Exeléncia Ministro das Obras Públicas ho Sekretário Estado Eletrisidade, Água i Saneamento rona mós aprezentasaun husi téknika Timor oan kona-ba diagrama sistema prinsipál sentru dispatching rede eletrisidade iha Timor-Leste, hodi kontrolu liña eletrisidade iha territóriu Timor laran.

Hafoin remata tiha vizita iha Sub-Estasaun Kamea, Becora Ministro das Obras Públicas ho Sekretário Estado Eletrisidade, Água i Saneamento halo vizita mós ba iha sentrál eletrisidade Hera, ne’ebé sai hanesan fatin sentrál elétrika nian. Iha vizita ne'e Ministro das Obras Públicas ho Sekretário Estado Eletrisidade, Água i Saneamento, rona mós preokupasaun husi parte tékniku sira inklui funsionáriu hirak ne’ebé servisu iha Sub-Estasaun Kamea-Becora no sentrál elétrika Hera. *Remata