Dili, Junnu 2023: Ministru Obras Públikas (MOP), Eng. Abel Pires da Silva, partisipa iha lansamentu relatóriu anuál daruak Komisaun Interministeriál ba Dezenvolvimentu Turízmu (KDIT) ne'ebé realiza iha Ministériu Negósiu Estranjeiru no Kooperasaun (MNEK), Pantai Kelapa, Dili.

Relatóriu anuál daruak ne'e kobre husi fulan-Junnu 2022 to'o Junnu 2023 hanesan relatóriu ikus husi KDIT durante mandatu VIII Governu Konstitusionál nian. 

Lansamentu relatóriu anuál ba daruak ne'e partisipa husi membru komisaun KDIT hanesan Ministru Koordenadór ba Asuntus Ekonómikus (MKAE), Sr. Joaquim Amaral, Ministru Obras Públikas rasik, Ministru Turízmu, Komérsiu no Indústria (MTKI), Sr. José Lucas do Carmo da Silva, membru unidade tékniku sira, inklui Sekretariadu ne'ebé durante ne'e halo servisu másimu tanba hetan apoiu husi USAID no Banku Mundiál.