Dili, 07 Junnu 2023: S. Exa, Primeiru Ministru (PM), Jenerál Taur Matan Ruak, lidera reuniaun Konsellu Ministru ba dala ikus nian ne’ebé realiza iha Palásiu Governu, Dili hodi agradese ba kontribuisaun no dedikasaun membru Governu sira nian durante mandatu Governu Konstitusionál daualu (VIII) nian.

Durante sorumutuk, S. Exa, Primeiru-Ministru halo retrospetiva Mandatu Governu nian, rekoñese serbisu pozitivu ne’ebé alkansa ona husi Ezekutivu no nia agradese ba kontribuisaun no dedikasaun husi membru Ezekutivu sira hotu.

Aprezenta ona Relatóriu Finál Mandatu VIII Governu nian, husi tinan 2018 to’o tinan 2023, publikasaun ida ne’ebé deskreve atividade no rezultadu prinsipál Ezekutivu sira nian hahú husi kedas bainhira sira simu pose, nune’e mós dezafiu hirak ne’ebé sira hasoru no rekomendasaun sira ba futuru.

Iha aprezentasaun Relatóriu ne’e, Ministru Prezidénsia Konsellu Ministrus, Sr. Fidelis Manuel Leite Magalhães, salienta katak konkista no rezultadu ne’ebé alkansa ona husi Governu Konstitusionál da-VIII, maske hasoru difikuldade no dezafiu sira durante mandatu.