info@mop.gov.tl +670 3310972

DJEPPKS ATUALIZA SERVISU MANUTENSAUN ESTRADA NO IMPLEMENTASAUN PROJETU SIRA BA MOP

Dili, 09 Maiu 2023: Diretor Jerál Estrada, Ponte, Prevensaun no Kontrollu i Seias (DJEPPKS) Eng. Rui Hernani, ho nia Diretór Nasionál no tékniku sira atualiza servisu manutensaun estrada no implementasaun projetu estrada no ponte sira ba Ministru Obras Públikas (MOP), Eng. Abel Pires da Silva, liuhosi enkontru semanal iha salaun enkontru MOP, Kaikoli, Dili.

Iha enkontru ne’e, DJEPPKS aprezenta mós ba Sr. Ministru kona-ba projetu Dezeñu Enjenaria Detalladu (DED) ba estrada no ponte sira ne’ebé daudauk ne’e la’o hela no atualiza mós implementasaun projetu ne’ebé daudauk ne’e la’o hela.

Enkontru ne’e partisipa husi Diretór Jeral DJEPPKS ho nia Diretór Nasionál sira, Diretór Nasionál Aprovizionamentu (DNA) Jerente Unidade Manajementu Projetu (PMU, sígla Inglés) no tékniku sira.