Infraestrutura
PM XANANA ORIENTA EKIPA KONJUNTA MOP-SEATOU ASELERA ALARGAMENTU ESTRADA PONTE B.J.HABIBIE BA BECORA
Dili, 6 haree
PM XANANA ORIENTA EKIPA KONJUNTA MOP-SEATOU ASELERA ALARGAMENTU ESTRADA PONTE B.J.HABIBIE BA BECORA Dili, 31 Março 2025 Primeiru Ministru, Kay Rala Xanana Gusmão husu ekipa konjunta lidera hosi Ministru Obras Públika, Samuel Marçal ho Sekretariu Estadu Asuntu Toponímia no Organizasaun Urbana, Germano Santa Brites Dias atu aselera prosesu alargamentu ba Estrada protokolu hahu hosi ponte B.J.Habibie Lecidere ba Kuluhun to’o Becora, Segunda-feira ne’e. Iha biban ne’e Ministru Obras Públika haktuir prontu ezekuta orientasaun Xefe Governu nian hodi aselera prosesu servisu alargamentu estrada, estrada protokolu hahu hosi ponte B.J.Habibie Lecidere ba Kuluhun to’o Becora no obra infraestrutura sira ne’ebe dadaun ne’e IX Governu Konstituisional liu hosi Ministeriu Obras Públika ezekuta refleta kedan ba iha Planu Estratejiku Dezenvolvimentu Nasional (PEDN) tinan 2011-2030, ne’ebe sai nu’udar mata-dalan ba dezenvolvimentu nasaun ne’e hodi bele lori povu goza ukun aan ida ne’e hafoin ita ukun aan iha tinan rua nulu resin nian.
PM XANANA ORIENTA EKIPA KONJUNTA MOP-SEATOU ASELERA ALARGAMENTU ESTRADA PONTE B.J.HABIBIE BA BECORA
Dili, 31 Março 2025
Primeiru Ministru, Kay Rala Xanana Gusmão husu ekipa konjunta lidera hosi Ministru Obras Públika, Samuel Marçal ho Sekretariu Estadu Asuntu Toponímia no Organizasaun Urbana, Germano Santa Brites Dias atu aselera prosesu alargamentu ba Estrada protokolu hahu hosi ponte B.J.Habibie Lecidere ba Kuluhun to’o Becora, Segunda-feira ne’e.
Iha biban ne’e Ministru Obras Públika haktuir prontu ezekuta orientasaun Xefe Governu nian hodi aselera prosesu servisu alargamentu estrada, estrada protokolu hahu hosi ponte B.J.Habibie Lecidere ba Kuluhun to’o Becora no obra infraestrutura sira ne’ebe dadaun ne’e IX Governu Konstituisional liu hosi Ministeriu Obras Públika ezekuta refleta kedan ba iha Planu Estratejiku Dezenvolvimentu Nasional (PEDN) tinan 2011-2030, ne’ebe sai nu’udar mata-dalan ba dezenvolvimentu nasaun ne’e hodi bele lori povu goza ukun aan ida ne’e hafoin ita ukun aan iha tinan rua nulu resin nian.
Ministru Obras Públika afirma razaun fundamental tolu mak sai save principal iha prosesu alargamentu estrada hosi ponte B.J.Habibie Lecidere ba Kuluhun to’o Becora, primeiru projeitu ida ne’e hanesan projeitu integradu no mos hanesan projeitu pilotu ida ne’ebe foin ba dala uluk IX Governu halo iha Timor-Leste (TL) mak hanesan planu ba Underground electrical cables, ne’ebe dadaun ne’e Governu hahu hakoi fiu eletrisidade sira iha rai-okos hodi fo espasu mamuk iha rai leten no hadia imajen sidade nian hodi nune’e fiu labele sabraut.
Segundu maka Governu loke estrada ho metru 24 ba sorin-sorin tanba agora daudaun uma ne’ebe mak komunidade sira konstrui iha area Estrada ibun ho medida semi permanente no ninia indemizasaun ne’e kaman ka ho kustu ne’ebe kiik.
Bainhira Governu husik to’o komunidade barak konstrui uma ho medida permanente maka aban bainrua foin atu sobu ne’e Governu sei halo indemizasaun ho kustu ne’ebe mak boot tebes.
Hosi ne’e mak Governu sei hahu kria kondisaun ba tinan 20 oin-mai bainhira akontese engrafamentu bele halo ona Flying Road ne’ebe fasil tebes no laiha problema tanba espasu iha ona.
Terseiru, Governu hala’o alargamentu estrada ida ne’ebe tuir padraun ba urbana liu-liu ba trosu nasional ne’ebe tama iha kapital Dili.*
Mídia MOP
