Jeral
MOP Partisipa Reuniaun Dahuluk Konsellhu Ministru, Ponte Kotu Ministru Orienta Ona Ekipa IGE
Dili, 5 haree
Dili, Tersa, 04 Julhu 2023-Ministru Obras Publika (MOP) Samuel Marçal inklui mos membru governo sira seluk ohin partisipa reuniaun dahuluk konsellho ministru ne'ebé lidera direitamente husi Primeiru Ministru Kay Rala Xanana Gusmão. Ligado ho inundasaun, rai halai no ponte kotu iha munisipiu, Ministru Obras Publika, Orienta ona ekipa Obras Pukbika iha munisipiu inklui IGE atu responde direta.
Dili, Tersa, 04 Julhu 2023-Ministru Obras Publika (MOP) Samuel Marçal inklui mos membru governo sira seluk ohin partisipa reuniaun dahuluk konsellho ministru ne'ebé lidera direitamente husi Primeiru Ministru Kay Rala Xanana Gusmão. Ligado ho inundasaun, rai halai no ponte kotu iha munisipiu, Ministru Obras Publika, Orienta ona ekipa Obras Pukbika iha munisipiu inklui IGE atu responde direta.
"Atu atua situasan ne'ebé akontese horseik (segunda-red) hau orienta ona ba Instituto Gestao das Equipamentos (sigla-IGE), dadaun nee sira hatun ona instrusaun ba munisipiu sira hodi responde ba situasaun hirak ne'ebé akontese iha fatin-fatin, liu-liu sira ne'ebe afeitadu, hanesan ponte kotu para bele buka alternativu hodi loke dalan temporariamente para komunidade sira bele lao liu,"hatete Ministru Obras Publika hafoin remata reuniaun Konsellhu Ministru,iha Palasiu Governu.
Ministru Obras hatutan, ligado ho akontesimentu ne'ebé akontese iha loron segunda ne'e ekipa IGE no ekipa obras publik iha munisipiu sira ne'ebé akontese dezastre, sira tu'un ona ba terenu hare direta hodi identifika fatin sira ne'ebé afeitadu.
"Ponte sira ne'ebé kotu sira (ekipa IGE) hahu ona buka dalan alternativu temporariamente, hodi nune’e ita bele buka meios tau orsamentu para hadia fali ponte sira ne'ebé kotu ne'e, iha Lospalos nee laos kotu maibe kuaze rai monu taka hotu, tanba ne'e ita tenki antisipa lalais, iha Suai kotu iha fatin hira kedan, iha Ainaro rai halai,maibe sira ne'e hotu balu kareta sei bele liu, mais balun kareta labele liu hanesan iha Same,"
Ligado ho Ponte Same ne'e ita haruka ona ekipa obras publika ho IGE tuun ona ba terenu hodi hare dalan alternativu para komunidade sira bele asesu nafatin.
"Konaba programa 100 dias nee aban "Kuarta-Red) maka ami sei aprezenta ba imi "media" hotu, tanba aban maka foin deskuti konaba ne'e,"hatete Ministru Obras Publika.
Ministru obras haktuir, hafoin iha semana ne'e nia laran diskusaun konaba orsamentu ne'e remata ona.
"Hau rasik sei ba vizita iha munisipiu sira hodi hare projeitu sira ne'e hotu. Projeitu ne'ebé maka lao la iha kontratu, balun paradu no abandonado karik ita sei identifika hotu ida ne'e,"nia katak.
Ligado ho estrada sira iha kapital Dili ne'ebé balun nia kondisaun a'at ona, ministru obras afirma. "Konaba ne'e ita foin maka tama mai, ita sei identifika hotu ba estrada sira ne'ebé aat ne'e inklui mos ponte Bekusi no ponte Bidau Mota Klran sei tama hotu ba iha programa 2024,"tenik Ministru Obras.*
