Jeral
MOP ORIENTA ASELERA TENDERIZASAUN BA PROJETU MANUTENSAUN ESTRADA LIULIU IHA ERMERA
Salaun Enkontru MOP, 8 haree
Ministru Obras Públikas (MOP), Eng. Abel Pires da Silva, orienta Diretór Jerál Estrada, Ponte, Protesaun no Kontrollu i Seias (DJEPPKS), Eng. Rui Hernani, ho nia diretór nasionál sira, hodi aselera tenderizasaun ba projetu manutensaun estrada sira iha timor laran tomak, liu-liu iha munisípiu Ermera nian ne’ebé daudauk ne’e kondisaun grave hela.
Dili, 17 Abril 2023: Ministru Obras Públikas (MOP), Eng. Abel Pires da Silva, orienta Diretór Jerál Estrada, Ponte, Protesaun no Kontrollu i Seias (DJEPPKS), Eng. Rui Hernani, ho nia diretór nasionál sira, hodi aselera tenderizasaun ba projetu manutensaun estrada sira iha timor laran tomak, liu-liu iha munisípiu Ermera nian ne’ebé daudauk ne’e kondisaun grave hela.
Enkontru atualizasaun servisu iha salaun enkontru MOP, Kaikoli, Dili ne’ebé partisipa mós husi Diretór Jerál Habitasaun no Urbanízmu (DJHU), Eng. Roger Tortuliano Belo, ho nia diretór nasionál sira ne’e atualiza servisu ba Sr. Ministru.
Sr. Diretór Jerál DJEPPKS atualiza mós servisu sira ne’ebé Diresaun Nasionál sira no Unidade Manajementu Projetu (PMU, sígla Inglés) hala’o, kona-ba pakote manutensaun estrada iha timor laran tomak, atualiza mós kona-ba konstrusaun estrada Laga-Baguia no Uaiaka-Kelikai, Dezeñu Enzenaria Detalladu (DED) ba estrada no ponte, dezeñu estrada ba postu administrativu Laklubar, munisípiu Manatutu nian, inklui projetu sira seluk.
Enkontru semanál ne’e partisipa husi Diretór Jerál, Diretór Nasionál, Unidade Manajementu Projetu, inklui tékniku sira.
