Jeral
MOP OBSERVA NORMALIZASAUN PONTE IHA ERAULU, ORIENTA TENKE KONSTRUI HO KUALIDADE
Letefoho, 7 haree
Ministru Obras Públikas (MOP), Eng. Abel Pires da Silva, akompaña husi Diretór Jerál Estrada, Ponte, Prevensaun no Kontrollu i Seias (DJEPPKS), Eng. Rui Hernani, halo observasaun ba normalizasaun ponte iha suku Eraulu, postu administrativu Letefoho, munisípiu Ermera ne’ebé daudauk ne’e konstrui husi kompañia Monte Veado.
Letefoho, 04 Maiu 2023: Ministru Obras Públikas (MOP), Eng. Abel Pires da Silva, akompaña husi Diretór Jerál Estrada, Ponte, Prevensaun no Kontrollu i Seias (DJEPPKS), Eng. Rui Hernani, halo observasaun ba normalizasaun ponte iha suku Eraulu, postu administrativu Letefoho, munisípiu Ermera ne’ebé daudauk ne’e konstrui husi kompañia Monte Veado.
Iha observasaun ne’e, Sr. Ministru husu atu kontrusaun ponte ki’ik ka monta Culvert ne’e tenke ho di’ak no kualidade, maske projetu ne’e halo manutensaun emerjénsia maibé tenke garante kualidade atu nune’e bele fasilita movimentasaun komunidade liuliu transporte públiku no privadu iha área refere.
Orienta mós DJEPPKS kontinua halo manutensaun ba estrada husi Gleno ba postu administrativu Letefoho no postu administrativu Atsabe, nune’e bele fasilita movimentasaun komunidade nian liuliu fasilita transporta materiál sensitivu Eleisaun Parlamentár nian ba sentru votasaun sira.
Sr. Ministru agradese ba pasiénsia komunidade nian no husu kontinua apoiu prosesu manutensaun estrada iha área refere tanba projetu ne’e implementa hodi fasilita ema barak, liuliu komunidade asesu ba merkadu, sentru saúde no seluk tan.
