Jeral
MOP-MAE ENKONTRU KOORDENSAUN HODI APOIU NORMALIZASAUN ESTRADA FASILITA MOVIMENTU NO DISTRIBUISAUN MATERIAL BA ELPAR
7 haree
Ministru Obras Públikas (MOP), Eng. Abel Pires da Silva, lokraik ne’e enkontru koordenasaun ho Ministru Administrasaun Estatál (MAE), Sr. Miguel de Carvalho, iha salaun enkontru MOP, Kaikoli, Dili, hodi apoiu normalizasaun estrada iha teritóriu nasionál hodi fasilita movimentasaun liuliu apoiu servisu Sekretariadu Tékniku ba Administrasaun Eleitorál (STAE) distribui materiál sensitivu Eleisaun Parlamentár (ElPar) ba sentru votasaun sira iha aldeia no suku sira iha teritóriu nasionál, inlui RAEOA.
Dili, 24 Abril 2023: Ministru Obras Públikas (MOP), Eng. Abel Pires da Silva, lokraik ne’e enkontru koordenasaun ho Ministru Administrasaun Estatál (MAE), Sr. Miguel de Carvalho, iha salaun enkontru MOP, Kaikoli, Dili, hodi apoiu normalizasaun estrada iha teritóriu nasionál hodi fasilita movimentasaun liuliu apoiu servisu Sekretariadu Tékniku ba Administrasaun Eleitorál (STAE) distribui materiál sensitivu Eleisaun Parlamentár (ElPar) ba sentru votasaun sira iha aldeia no suku sira iha teritóriu nasionál, inlui RAEOA.
Enkontru koordenasaun ne’e akompaña direita husi Diretór Jerál Estrada, Ponte, Prevensaun no Kontrollu i Seias (DJEPPKS), Sr. Rui Hernani, no Prezidente Institutu Jestaun Ekipamentus ba Apoiu Dezenvolvimentu Infraestrutura (IJEADI), Sra. Hermenegilda da Costa Laurentina.
Iha enkontru ne’e, Sr. Ministru Obras Públikas fó orientsaun ba DJEPPKS no IJEADI apoiu halo preparasaun no normalizasaun ba fatin hirak ne’ebé konsidera hanesan fatin rísku, liuliu mota sira ne’ebé defikulta movimentu transporte públiku no privadu, inklui ema nian.
Diretór Jerál DJEPPK no Prezidente IJEADI prontu destaka membru sira ho ekipamentu pezadu hodi fasilita movimentasaun transporte nune’e Eleisaun Parlamentár bele realiza ho susesu.
Aliende ne’e, STAE mós prontu no sei fasilita ekipa husi IJEADI hodi tuir votasaun iha sentru votasaun ne’ebé besik bainhira hala’o hela kna’ar iha tereñu ka fatin rísku sira.
