Jeral
MOBILIZA FERIK-KATUAS PARTISIPA KOMEMORASAUN LORON KONSULTA POPULAR HO ADTL NO PM XANANA
Aileu, 8 haree
MOBILIZA FERIK-KATUAS PARTISIPA KOMEMORASAUN LORON KONSULTA POPULAR HO ADTL NO PM XANANA Aileu, 27 Agostu 2025 Autoridade Munisipal Aileu sei mobiliza ferik katuas no estudante sira atu partisipa másimu iha Serimonia Komemorasaun festa Konsulta Popular ba dala-26 (30 Agostu 1999-30 Agostu 2025) hamutuk ho Asosiasaun Defisiensia Timor-Leste (ADTL) no Primeiru Ministru (PM), Kay Rala Xanana Gusmão iha area Sarlala, Munisipiu Aileu. Prezidente Autoridade Muinisipal Aileu, João Bosco dos Santos informa asuntu ne’e bainhira hamutuk ho Xefe Seksaun Kontrolu Xeias Unidade Inspesaun Verifikasaun ba Pagamentu (UIVP-MOP), Enjiñeiru Marcos Ximenes de Araújo no Supervizor Montana Diak Unip.Lda, José Pereira “Moko” observa direta progresu preparasaun fatin iha area Sarlala.
MOBILIZA FERIK-KATUAS PARTISIPA KOMEMORASAUN LORON KONSULTA POPULAR HO ADTL NO PM XANANA
Aileu, 27 Agostu 2025
Autoridade Munisipal Aileu sei mobiliza ferik katuas no estudante sira atu partisipa másimu iha Serimonia Komemorasaun festa Konsulta Popular ba dala-26 (30 Agostu 1999-30 Agostu 2025) hamutuk ho Asosiasaun Defisiensia Timor-Leste (ADTL) no Primeiru Ministru (PM), Kay Rala Xanana Gusmão iha area Sarlala, Munisipiu Aileu.
Prezidente Autoridade Muinisipal Aileu, João Bosco dos Santos informa asuntu ne’e bainhira hamutuk ho Xefe Seksaun Kontrolu Xeias Unidade Inspesaun Verifikasaun ba Pagamentu (UIVP-MOP), Enjiñeiru Marcos Ximenes de Araújo no Supervizor Montana Diak Unip.Lda, José Pereira “Moko” observa direta progresu preparasaun fatin iha area Sarlala.
Tuir ajenda hosi PAM Aileu nian, iha loron 30 Agostu, Aileu sei realiza serimonia boot rua mak hanesan Prezidente Repúblika, José Ramos Horta hamutuk ho Institutu Defeza Nasional Timor-Leste (IDN-TL) hala’o lansamentu fatuk da-huluk ba Akademia Militar iha area Hundolte, iha Aileu Vila.
Ajenda da-ruak maka hamutuk ho Primeiru Ministru, Kay Rala Xanana Gusmão selebra festa konsulta popular ho familia boot ADTL hodi ensera mos semana akampamentu ba joven ho Defisiensia sira.
“Hau mai hamutuk ho ekipa Ministeriu Obras Públika, EDTL no BTL, ami halo preparasaun másimu ba fatin serimonia hodi asegura orientasaun Primeiru-Ministru, Kay Rala Xanana Gusmão nian ne’ebe atu mai selebra hamutuk loron konsulta popular iha ne’e. Iha loron 30 Agostu mos Prezidente Repúblika, José Ramos Horta ho IBN-TL sei hala’o lansamentu fatuk da-huluk ba Akademia Militar iha area Hundolte, iha Aileu Vila” hateten PAM Aileu.
Ekipa sei fasilita bee moos, hadia kondisaun hariis fatin no prepara fasilidade sira seluk hodi povu Aileu tomak bele partisipa ho kontente.
Iha fatin hanesan, Xefe Seksaun Kontrolu Xeias Unidade Inspesaun Verifikasaun ba Pagamentu (UIVP-MOP), Enjiñeiru Marcos Ximenes de Araújo informa atualmente fatin iha terenu diak tebes, tanba hetan apoiu hosi Supervizor Montana Diak Unip.Lda, José Pereira “Moko” ho ekipa ne’ebe mobiliza no destaka ekipamentus pezadu hodi loke luan ona estrada no fatin parajen inklui aterra rai-henek ba estrada.
Ekipa MOP Koordena ho PAM Aileu kontinua koordena ho BTL no EDTL atu prepara liña eletrisidade hodi fasilita atividade iha tempu kalan bele lakan normal.
Nune’e mos Diretor Ezekutivu Asosiasaun Defisiensia Timor-Leste (ADTL), Cesario da Silva hamutuk ho ekipa kontinua halo preparasaun nune’e to’o 30 Agostu bele simu Xefe overnu ho delegasaun iha fatin ne’e ho diak.*
Mídia MOP
