Infraestrutura
MINISTRU OBRAS PÚBLIKA LANSA FATUK DAHULUK BA KONSTRUSAUN PONTE SANA POSTU ADMINISTRATIVU UATOLARI, MUNISIPIU VIQUEQUE
Viqueque, 7 haree
MINISTRU OBRAS PÚBLIKA LANSA FATUK DAHULUK BA KONSTRUSAUN PONTE SANA POSTU ADMINISTRATIVU UATOLARI, MUNISIPIU VIQUEQUE Viqueque, 19 Jullu 2025 Ministru Obras Públika, Samuel Marçal ho nia komitiva akompañia hosi Ministru Agrikultura, Pekuaria, Peskas no Florestas, Marcos da Cruz hamutuk ho Autoridade Lokal inklui komunidade sira, lansa fatuk dahuluk ba konstrusaun Ponte Sana, iha Suku Uaitame, Postu Administrativu Uatolari, munisipiu Viqueque. Iha intervensaun Ministru Obras Públika hato’o parabens ba povu Uatolari, komunidade Sana, Suku Uaitame, Postu Uatolari hetan projeitu boot rua mak hanesan projeitu estrada no konstrusaun ponte Sana.
MINISTRU OBRAS PÚBLIKA LANSA FATUK DAHULUK BA KONSTRUSAUN PONTE SANA POSTU ADMINISTRATIVU UATOLARI, MUNISIPIU VIQUEQUE
Viqueque, 19 Jullu 2025
Ministru Obras Públika, Samuel Marçal ho nia komitiva akompañia hosi Ministru Agrikultura, Pekuaria, Peskas no Florestas, Marcos da Cruz hamutuk ho Autoridade Lokal inklui komunidade sira, lansa fatuk dahuluk ba konstrusaun Ponte Sana, iha Suku Uaitame, Postu Administrativu Uatolari, munisipiu Viqueque.
Iha intervensaun Ministru Obras Públika hato’o parabens ba povu Uatolari, komunidade Sana, Suku Uaitame, Postu Uatolari hetan projeitu boot rua mak hanesan projeitu estrada no konstrusaun ponte Sana.
“Ha’u hato’o ha’u nia parabens ba povu Uatolari tomak, foin tinan rua ho balun ha’u assume kargu Ministru Obras Públika, Postu Uatolari hetan projeitu boot rua, mak hanesan projeitu estrada hosi Uatolari ba Quelicai no projeitu ida tan mak ohin ita hatu’ur ona fatuk dahuluk ba konstrusaun ponte Sana” hateten Ministru Obras Públika iha nia intervensaun.
Iha biban ne’e Ministru Obras Públika kontinua enkoraja komunidade sira, atu sai ezemplu diak ba munisipiu seluk, bainhira projeitu ida lao labele halo impedimentu, presiza ema hotu nia kolaborasaun, atu nune’e projeitu ne’e bele remata tuir kontratu ne’ebe kompañia ne’e asina ona.
“Ha’u husu ba ita boot sira liu-liu komunidade Postu Uatolari tenke sai ezemplu diak ba munisipiu seluk, labele halo impedimentu ba konstrusaun ne’e. Ha’u lakoi atu akontese hanesan munisipiu seluk hafoin ita ba lansa tia, ikus mai ema ida ka rua tanba deit nia interese sira no ba halo impedimentu”, hateten Ministru Obras Públika.
Entretantu konstrusaun Ponte Sana ne’e rasik sei konstrui hosi kompañia China MCC 20 Group Corp.LTD, durasaun servisu hamutuk fulan 8, orsamentu ne’ebe finansia ba obra ne’e nia montante hamutuk $ 3,175,321.63.
Serimonia lansamentu fatuk dahuluk konstrusaun Ponte Sana marka prezensa mos Administrador Postu Administratiu Uatolari, Komandante PNTL postu Uatolari, Diretor Nasionais, Diretor Servisus Munisipais, Autoridade Lokal hosi Suku inklui mos komunidade sira.*
Mídia MOP
