MINISTRU OBRAS PÚBLIKA APREZENTA PEDIDU RUA IHA REUNIAUN ESTRAORDINARIU KONSELLU ADMINISTRASAUN FUNDU INFRAESTRUTURA

MINISTRU OBRAS PÚBLIKA APREZENTA PEDIDU RUA IHA REUNIAUN ESTRAORDINARIU KONSELLU ADMINISTRASAUN FUNDU INFRAESTRUTURA

Dili, 25 Agostu 2025

Ministru Obras Públika, Samuel Marçal akompañia hosi Koordenador Unidade Inspesaun Verifikasaun no Pagamentu-Ministeriu Obras Públika (UIVP-MOP), Aleixo Amaral do Carmo partisipa iha reuniaun Estraordinariu Konsellu Administrasaun Fundu Infraestrutura (KAFI) ne’ebe realiza iha sala reuniaun Ministeriu Planeamentu Investimentu Estratejiku (MPIE), Fatuhada, Segunda-feira ne’e.

Iha reuniaun Estraordinariu KAFI Ministru Obras Públika aprezenta pedidu rua, Pedidu Aprovasaun no Autorizasaun Despezas ba kustu adisional ba servisu konsultoria konstrusaun Estrada Laga-Baguia inklui pedidu aprovasaun no autorizasaun despezas ba pakote konstrusaun no rehabilitasaun estrada urbana iha Dili no iha Munisipiu sira.

Entretantu reuniaun estraordinariu ne’e rasik prezide hosi Prezidente Konsellu Administrasaun Fundu Infraestrutura (KAFI) atual Ministru Estratejiku Ministeriu Investimentu no Planeamentu Estratejiku (MPIE), Gastão Francisco de Sousa akompañia hosi membru KAFI Ministru Obras Públika (MOP), Samuel Marçal, Ministru Transporte no Komunikasaun, Miguel Marques Gonçalves Manetelu, Sekretariu Estadu Arte no Kultura, Jorge Soares Cristovão, sekretariu Estadu Komunikasaun Sosial, Expedito Dias Ximenes, Diretor Ezekutivu CNA, Hermingardo Albano Soares, Diretor Ezekutivu Interinu ADN, Januariu M. Guterres inklui Asesor ho tekniku sira.*

Mídia MOP