Infraestrutura
KONSELLU MINISTRU AUTORIZA MINISTRA FINANSAS HALO NEGOSIASAUN BA KONDISAUN ESPESIFIKU KONA-BA EMISAUN HODI DEZENVOLVE SENTRAL FOTOVOLTAIKA SOLAR NE’EBE SEI IMPLEMENTA IHA LALEIA-MANATUTU
Dili, 8 haree
KONSELLU MINISTRU AUTORIZA MINISTRA FINANSAS HALO NEGOSIASAUN BA KONDISAUN ESPESIFIKU KONA-BA EMISAUN HODI DEZENVOLVE SENTRAL FOTOVOLTAIKA SOLAR NE’EBE SEI IMPLEMENTA IHA LALEIA-MANATUTU Dili, 25 Jullu 2025 Sorumutu Estraordinariu Konsellu Ministru ne’ebe realiza iha Palasiu Governu, sexta-feira ne’e autoriza Ministra Finansas, Santina José R. F. Cardoso lori Estadu nia naran hodi halo negosiasaun ba kondisaun espesifiku sira konaba emisaun garantia Estadu to’o montante masimu dolar amerikanu millaun 80, hanesan parte ida hosi projeitu dezenvolvimentu Sentral Fotovoltaika solar iha Laleia, Munisipiu Manatutu. Autorizasaun ida ne’e nia objetivu atu asegura kumprimentu ba obrigasaun Eletrisidade Timor-Leste (EDTL) hanesan estabelese ona iha kontratu sosa enerjia ne’ebe asina ona ho konsorsiu promotor projeitu nian.
KONSELLU MINISTRU AUTORIZA MINISTRA FINANSAS HALO NEGOSIASAUN BA KONDISAUN ESPESIFIKU KONA-BA EMISAUN HODI DEZENVOLVE SENTRAL FOTOVOLTAIKA SOLAR NE’EBE SEI IMPLEMENTA IHA LALEIA-MANATUTU
Dili, 25 Jullu 2025
Sorumutu Estraordinariu Konsellu Ministru ne’ebe realiza iha Palasiu Governu, sexta-feira ne’e autoriza Ministra Finansas, Santina José R. F. Cardoso lori Estadu nia naran hodi halo negosiasaun ba kondisaun espesifiku sira konaba emisaun garantia Estadu to’o montante masimu dolar amerikanu millaun 80, hanesan parte ida hosi projeitu dezenvolvimentu Sentral Fotovoltaika solar iha Laleia, Munisipiu Manatutu.
Autorizasaun ida ne’e nia objetivu atu asegura kumprimentu ba obrigasaun Eletrisidade Timor-Leste (EDTL) hanesan estabelese ona iha kontratu sosa enerjia ne’ebe asina ona ho konsorsiu promotor projeitu nian.
Entretantu projeitu ne’e implementa hosi konsorsiu ne’ebe kompostu hosi EDF Renouvelables Internasional S.A.S. no hosi I-Environment Investments Pacific Pty Ltd. Objetivu mak atu hasae kapasidade nasional produsaun nian no distribuisaun eletrisidade, diversifika fontes enerjetika no insentiva utilizasaun teknolojia sustentavel sira, ho foku ba potensial enerjia solar Nasaun ne’e nian. Inisiativa ida ne’e sei kontribui hodi kria Sistema enerjetiku ida ne’ebe seguru, estavel no sustentavel liu, lori benefisiu direitu ba populasaun no hodi insentiva dezenvolvimentu ekonomiku.
Projeitu ne’e lansa ofisialmente iha loron 22 fulan-Jullu, durante serimonia komemorasaun aniversariu EDTL nian ba dala 5.*
Mídia-MOP
