Geral
PRIMEIRU MINISTRU ENKONTRU HO EMPREZARIU NASIONAL NE’EBE ORGANIZA HOSI MISTERIU OBRAS PÚBLIKA
Dili, 5 visualizações
PRIMEIRU MINISTRU ENKONTRU HO EMPREZARIU NASIONAL NE’EBE ORGANIZA HOSI MISTERIU OBRAS PÚBLIKA Dili, 27 Fevereiro 2025 Primeiru Ministru, Kay Rala Xanana Gusmão iha Kinta-feira ne’e akompanha hosi Ministru Obras Públika, Samuel Marçal, Vise-Ministru Infraestrutura, Julio do Carmo inklui Prezidente Câmara de Comécio e Industria de Timor-Leste (CCI-TL), Jorge Manuel de Araújo Serrano hala’o enkontru ho emprezariu nasional sira, hodi halo avaliasaun ba setor privadu hotu-hotu no problema saida mak sira enfrenta, saida mak Governu bele ajuda no saida mak Governu nia problema, atu nune’e bele kuriji no hadia setor privadu no kompaña nasional sira hodi bele dezenvolve sira nia aan iha futuru.
PRIMEIRU MINISTRU ENKONTRU HO EMPREZARIU NASIONAL NE’EBE ORGANIZA HOSI MISTERIU OBRAS PÚBLIKA
Dili, 27 Fevereiro 2025
Primeiru Ministru, Kay Rala Xanana Gusmão iha Kinta-feira ne’e akompanha hosi Ministru Obras Públika, Samuel Marçal, Vise-Ministru Infraestrutura, Julio do Carmo inklui Prezidente Câmara de Comécio e Industria de Timor-Leste (CCI-TL), Jorge Manuel de Araújo Serrano hala’o enkontru ho emprezariu nasional sira, hodi halo avaliasaun ba setor privadu hotu-hotu no problema saida mak sira enfrenta, saida mak Governu bele ajuda no saida mak Governu nia problema, atu nune’e bele kuriji no hadia setor privadu no kompaña nasional sira hodi bele dezenvolve sira nia aan iha futuru.
Iha enkontru ne’e Primeiru Ministru, Kay Rala Xanana Gusmão hateten kontribuisaun emprezariu Timor-oan sira importante tebes ba progressu dezenvolvimentu nasaun nian. Tanba ne’e, Primeiru Ministru apela ba emprezariu Timor-oan sira atu kontribui ba dezenvolvimentu nasaun ne’e ho laran tomak.
“Hau husu ba imi atu halo diak, saida mak imi bele halo hodi kontribui ba prosesu dezenvolvimentu. Saida mak hakarak kontribui tenke halo duni no halo didi’ak ba konstrusaun estadu ida ne’e”, hateten Primeiru Ministru ia salau Delta Nova.
PM Xanana observa katak emprezariu timor-oan balun ne’ebe hetan projeitu hosi Governu, buka deit atu hetan osan boot maibe servisu la ho kualidade to’o balun abandona projeitu.
Xefe Governu apela mos ba emprezariu sira atu kontinua kapasita aan no kontinua dezenvolve aan hodi kontribui ba dezenvolvimentu nasaun nian. Kontente ohin bele halibur-malu atu haree ba Estadu ne’e lao diak ka lae, haree fila-fali setor privadu ho Goveru koopera ho diak ka lae tanba konstrusaun nasaun ne’e katak hakbiit sosiedade no hakbiit setor privadu.
Iha fatin hanesan Ministru Obras Públika haktuir enkontru ida ohin ho emprezariu nasional sira “CCI-TL” atu halo avaliasaun ida ba setor privadu hotu-hotu hodi rona direta sira nia preokupasaun inklui kuriji no hadia setor privadu no kompaña nasioanl sira, nune’e sira bele dezenvolve sira nia aan sai diak liu tan iha futuru.
“Ojetivu hosi enkontru ida ne’e atu halo avaliasaun ida ba setor privadu hotu-hotu, hodi rona sira nia preokupasaun, problema saida mak sira enfrenta no saida mak Governu bele ajuda no saida mak Governu nia problema, atu nune’e hodi kuriji no hadia setor privadu no kompaña nasional sira atu sira bele dezenvolve sira nia aan no ba futuru sira bele iha kapasidade hodi halo investmentu no loke kampu traballu ba joven sira”, hateten Ministru Obras Públika.
Iha fatin hanesan, Ministru Obras Públika, Samuel Marçal fo atensaun ba emprezariu sira atu servisu ho laran ba rai ida-ne’e, tanba Governu halo ona planu oin-oin, maibe setor privadu tenke forte hodi bele kontribui no mos bele loke kampu traballu ba joven sira.
Marka prezensa iha enkontru ne’e Primeiru Ministru (PM), Kay Rala Xanana Gusmão, Ministru Obras Públika (MOP), Samuel Marçal, Vise-Ministru Infraestrutura (VMI), Julio do Carmo, empreza no Institutu sira ne’ebe tutela iha MOP, reprezentante AND Prezidente CCI-TL, Jorge Manuel de Araújo Serrano ho nia estrutura inklui mos estrutura CCI-TL hosi munisipiu sira.*
Mídia MOP
