Infraestrutura
PM XANANA GUSMÃO HO MINISTRU OBRAS PÚBLIKU HATUR FATUK DAHULUK BA PROJEITU REHABILITASAUN ESTRADA PAKOTE RUA IHA MAUKATAR
Covalima, 5 visualizações
PM XANANA GUSMÃO HO MINISTRU OBRAS PÚBLIKU HATUR FATUK DAHULUK BA PROJEITU REHABILITASAUN ESTRADA PAKOTE RUA IHA MAUKATAR Covalima, 11 Jullu 2025 Primeiru Ministru, Kay Rala Xanana Gusmão ho Ministru Obras Públiku, Samuel Marçal akompaña hosi Vise Ministru Asuntu Infraestrutura, Julio do Carmo, Sekretariu Estadu Dezenvolvimentu Lokal, Mateus dos Santos Tallo, Sekretariu Estadu Asuntu Toponímia no Organizasaun Urbana, Germano Santa Brites Dias, Deputadu CNRT, Prezidente Komisaun Ezekutivu BTL,E.P., Gustavo da Cruz ho Prezidente Autoridade Munisipal Covalima, Miguel Armada Cardoso lansa fatuk dahuluk ba projeitu rehabilitasaun Estrada pakote rua, iha postu Administrativu Maukatar, Munisipiu Covalima.
PM XANANA GUSMÃO HO MINISTRU OBRAS PÚBLIKU HATUR FATUK DAHULUK BA PROJEITU REHABILITASAUN ESTRADA PAKOTE RUA IHA MAUKATAR
Covalima, 11 Jullu 2025
Primeiru Ministru, Kay Rala Xanana Gusmão ho Ministru Obras Públiku, Samuel Marçal akompaña hosi Vise Ministru Asuntu Infraestrutura, Julio do Carmo, Sekretariu Estadu Dezenvolvimentu Lokal, Mateus dos Santos Tallo, Sekretariu Estadu Asuntu Toponímia no Organizasaun Urbana, Germano Santa Brites Dias, Deputadu CNRT, Prezidente Komisaun Ezekutivu BTL,E.P., Gustavo da Cruz ho Prezidente Autoridade Munisipal Covalima, Miguel Armada Cardoso lansa fatuk dahuluk ba projeitu rehabilitasaun Estrada pakote rua, iha postu Administrativu Maukatar, Munisipiu Covalima.
Molok Primeiru Ministru ho nia komitiva hatur dahuluk, komunidade, Autoridade Lokal no alunu hosi Eskola Bazika Filial 11 de Marso, forma iha dalan ninin hodi simu Xefe Governu dansa kultura bidu ne’ebe akompaña ho tebedai, hafoin hakat ba fatin serimonia hatur fatuk dahuluk rehabilitasaun pakote rua iha postu administrativu Maukatar.
Hafoin Xefe Governu ho nia komitiva to’o iha fatin hatur fatuk dahuluk lia nain sira hosi postu administrativu Maukatar simu Xefe Governu ho lia-dadolin tuir kultura Maukatar.
Iha nia intervensaun Primeiru Ministru, Kay Rala Xanana Gusmão hateten mesmu Timor ukun a’an ona durante tinan 23 nia laran, maibe ita seidauk halo buat ida.
“Ita ukun a’an ona durante tinan 23, maibe buat barak mak ita seidauk halo, nune’e ohin ita mai hatur fatuk dahuluk reabilitasaun Estrada iha postu Maukatar”, dehan PM Xanana.
Alende Xefe Governu mos fo hanoin ba empreza rua ne’ee asina ona kontratu, tenke uza osan ho didiak no iha obrigasaun gasta ho diak hodi garante projeitu nia kualidade.
Iha fatin hanesan Ministru Obras Públiku antes hato’o nia diskursu lahaluha hato’o parabens ba povu Maukatar ne’ebe ohin akompaña ona PM, Kay Rala Xanana Gusmão hodi hatur fatuk dahuluk ba projeitu reabilitasaun Estrada pakote rua iha Maukatar.
“Parabens ba povu Maukatar tanba ohin ita konsege hatur ona fatuk dahuluk ba projeitu rehabilitasaun estrada pakote II iha Maukatar, serimonia ida ohin ne’e hanesan parte ida hosi Governu nia dever atu responde komunidade nia halerik”, hateten Ministru Obras Públiku.
Entretantu projeitu reabilitasaun Estrada pakote II ne’e, hanesan reabilita Estrada hosi Suku Ogues ba iha Leogore ho kilometru 10, projeitu reabilitasaun Estrada ne’e ezekuta hosi empreza JLC Lda ho Empreza Aitula Lda reabilita Estrada hahu hosi foho-rua to’o Leogore, Postu Maukatar ho kilometru hitu ho nia durasaun implementasaun fulan-18 ho total orsamentu $3,101,895.22. Projeitu reabilitasaun Estrada hosi foho-rua, Suku Ogues ba Leogore, Suku Holpilat, postu Maukatar kaer hosi empreza Dany Star Unip,Lda no JV ho DMF Unip,Lda ho durasaun tempu fulan-12 ho total orsamentu $2,420,446.93.*
Mídia MOP
