Infraestrutura
OBSERVA KONSTRUSAUN DOUBLE BOX IHA BETUDAK FATISI, PM XANANA ORIENTA MOP HADIA HALO DIAK FATIN TURIZMU FATISI
Aileu, 6 visualizações
OBSERVA KONSTRUSAUN DOUBLE BOX IHA BETUDAK FATISI, PM XANANA ORIENTA MOP HADIA HALO DIAK FATIN TURIZMU FATISI Aileu, 03 Agostu 2025 Primeiru-Ministru (PM), kay Rala Xanana Gusmão akompañia hosi Ministru Obras Públika, Samuel Marçal halo observasaun ba konstrusaun ponte double box iha area Fatisi, Munisipiu Aileu ne’ebe konstrui hosi kompañia Arquiris unip,Lda Domingu ne’e. Iha biban ne’e Xefe Governu husu ba Ministru Obras Públika no Ministeriu relevante sira atu dezenvolve lalais fatin Turizmu iha Betudak Fatisi ne’ebe pertense iha area Munisipiu Aileu nian.
OBSERVA KONSTRUSAUN DOUBLE BOX IHA BETUDAK FATISI, PM XANANA ORIENTA MOP HADIA HALO DIAK FATIN TURIZMU FATISI
Aileu, 03 Agostu 2025
Primeiru-Ministru (PM), kay Rala Xanana Gusmão akompañia hosi Ministru Obras Públika, Samuel Marçal halo observasaun ba konstrusaun ponte double box iha area Fatisi, Munisipiu Aileu ne’ebe konstrui hosi kompañia Arquiris unip,Lda Domingu ne’e.
Iha biban ne’e Xefe Governu husu ba Ministru Obras Públika no Ministeriu relevante sira atu dezenvolve lalais fatin Turizmu iha Betudak Fatisi ne’ebe pertense iha area Munisipiu Aileu nian.
Xefe Governu husu ne’e bainhira hala’o vizita hodi observa direita iha fatin turizmu Fatisi, husi observasaun ne’e Xefe Governu haree katak Timoroan sira barak interresadu hodi vizita fatin ne’e maibe seidauk iha kondisaun no presiza tebes atu dezenvolve lalais liu hosi kria lalais kondisaun nune’e bele dada tan ema estranjeiru sira.
“Apela ba parte Ministeriu Obras Públika no Ministeriu sira ne’ebe iha relasaun ho fatin sira ne’e ita presiza kria kondisaun ba vizitante sira. Tenke iha konseitu ida diak, oinsa halo fatin ne’e bele dada tan ema barak mai haree. Agora seidauk iha kondisaun sufisiente maibe loro-loron ema barak hakarak mai iha ne’e”,PM Xanana apela.
Hosi fatin Turizmu Fatisi fo inspirasaun ba Xefe Governu katak tempu ona atu halo investimentu, investe ba konseitu hodi dezenvolve fatin turizmu sira hanesan Bee Manas Marobo iha Munisipiu Bobonaro, Mota Bandeira ho Bee Mutin iha Atsabe Munisipiu Ermera, Natureza furak no Lagoa iha Seloi Munisipiu Aileu, Illa Jaco Munisipiu Lautém no fatin turizmu sira seluk ne’ebe bele lori mos reseita ba Estadu iha futuru.*
Mídia-MOP
