Infraestrutura
MINISTRU OBRAS PÚBLIKAS HO EKIPA EDTL,E.P. INAUGURA ELETRISIDADE IHA SUKU LUPAL-LOLOTOE
Bobonaro, 9 visualizações
MINISTRU OBRAS PÚBLIKAS HO EKIPA EDTL,E.P. INAUGURA ELETRISIDADE IHA SUKU LUPAL-LOLOTOE Bobonaru, 18 Outubru 2025 Ministro Obras Públikas, Samuel Marçal akompania husi Vice-Ministro Asuntus Infrastrutura, Júlio do Carmo, Prezidente Komisaun Ezekutiva, Eletricidade de Timor-Leste, Empresa Pública (EDTL, E.P), Paulo da Silva, Komisáriu Ezekutivu Serbisu Tékniku, Roberto Manuel Marçal, Komisáriu Ezekutivu Serbisu Korporativu, Júlio de Jesus Gonçalves, Eletricidade de Timor-Leste, Empresa Pública (EDTL-E.P), reprezentante Prezidente Autoriedade Munisípiu Bobonaro, Autoriedade Posto Administrativu Lolotoe, inaugura projetu eletrifikasaun nasionál ne’ebé implementa iha Aldeia Dilai, Sila-golo, Suku Lupal, iha loron sabado ne’e.
MINISTRU OBRAS PÚBLIKAS HO EKIPA EDTL,E.P. INAUGURA ELETRISIDADE IHA SUKU LUPAL-LOLOTOE
Bobonaru, 18 Outubru 2025
Ministro Obras Públikas, Samuel Marçal akompania husi Vice-Ministro Asuntus Infrastrutura, Júlio do Carmo, Prezidente Komisaun Ezekutiva, Eletricidade de Timor-Leste, Empresa Pública (EDTL, E.P), Paulo da Silva, Komisáriu Ezekutivu Serbisu Tékniku, Roberto Manuel Marçal, Komisáriu Ezekutivu Serbisu Korporativu, Júlio de Jesus Gonçalves, Eletricidade de Timor-Leste, Empresa Pública (EDTL-E.P), reprezentante Prezidente Autoriedade Munisípiu Bobonaro, Autoriedade Posto Administrativu Lolotoe, inaugura projetu eletrifikasaun nasionál ne’ebé implementa iha Aldeia Dilai, Sila-golo, Suku Lupal, iha loron sabado ne’e.
Iha nia intervesnaun Ministru Obras Públikas,hatete, Daudaun ne’e total suku sira iha teritoriu Timor laran asesu hotu ona eletrisidade, sei falta deit aldeia hamutuk Atus Ida Resin mák seidauk asesu enerjia eletrisidade.
“Tuir planu iha tinan oin IX Governu konstotusionál liu-husi EDTL-E.P sei konklui rásio eletrifikasaun nível Aldeia tanba dadaun ne’e, sei falta Aldeia hamutuk 186 seidauk asesu eletrisidade. Aldeia sira ne’ebé identifikadu ona, komisaun prepara dezeñu BoQ hodi bele aselera nia prosesu,”dehan Ministru Obras Públikas iha seremónia inaugurasaun eletrisidade iha Aldeia Dilai ho Sila-golo, Suku Lupal, Lolotoe.
Iha sorin seluk Prezidente Komisaun Ezekutiva, Paulo da Silva hato’o agradese wa’in ba komunidade sira nia kontribuisaun durante implementasaun projetu refere hodi finaliza lais servisu instalasaun lina eletrisidade.
Alémde ne’e Prezidente Komisaun Ezekutiva husu bá komunidade sira atu uza energia elétrika tuir nesesidade no bainhira uza tenke uza ho responsabilidade.
Implementasaun projetu eletrifikasaun iha Suku Lupal ho distánsia liña media tensaun hamutuk 8,75 kilómetru sirkuitu, Baixa tensão hamutuk 7,9 kilómetru sirkuitu no instalasaun transformador unidade ida no benefísia uma-kain hamutuk 187.
Partisipa iha Serimónia inaugurasaun ne’e, APA Lolotoe, Prezidenti BTL, E.P,EDTL, E.P Munisípiu Bobonaro, parte Seguransa PNTL Munisípiu Bobonaro, Falintil-FDTL, Autoriedade Lokal inklui komunidade sira.*
Mídia-MOP
